Sukaldaritza liburua/Prestaketak/Saltsak: berrikuspenen arteko aldeak
Ezabatutako edukia Gehitutako edukia
Orria sortu da. Edukia: {{Sukaldaritza liburua}} {{TOCESKUBIAN}} |
No edit summary |
||
1. lerroa:
{{Sukaldaritza liburua}}
{{TOCESKUBIAN}}
'''Saltsak''' plater bateko osagai nagusiaren zaporea hobetzeko edo indartzeko erabiltzen den likido lodi eta zaporetsua da-
Osagai nagusiari ez dio protagonismorik kendu behar, aldiz hau edertzen lagundu dezake.
Jeneralean, plater ugariren lagungarri ohikoena da. Osagai nagusiaren gainean edo ondoan jartzen da. Aparteko katilu edo saltsa ontzi batean ere zerbitza daiteke.
== Sukaldaritza internazionaleko oinarrizko saltsak ==
=== 1-Salda lodituak ===
# Haragi saltsak.
# Zuku lodituko saltsak
# Veloute saltsa.
# Bexamel saltsa.
=== 2-Saltsa emultsionatuak ===
# Maionesa saltsa.
# Holandesa saltsa.
# Bearnesa saltsa
# Ozpin olio saltsa.
# Beurre blanc saltsa.
=== 3-Fruta eta Barazkiekin loditutako saltsak ===
# Saltsa Amerikarra.
# Tomate saltsa.
# Barazki saltsa.
# Saltsa gazi gozoa.
=== 4-Euskal Sukaldaritzako saltsa nagusiak ===
# Saltsa berdea.
# Pil-pil saltsa.
# Bizkaitar saltsa.
# Txipiroi tinta saltsa.
== Saltsa lodituak ==
=== Haragi saltsak ===
Txigortutako hezur, haragi soberakin, barazki, ardo zuri edo beltz, irin eta tomate saltsarekin egindako salda murriztu eta lodituari deitzen zaio.
Txigortutako hezur eta barazkiak+ irina+ardoa+tomatea+denbora luzez irakinez murriztu eta iragazi
;Aholkuak
Kolore iluna emateko, irina txigortua edo tomate saltsa karamelizatua erabiliko dugu.
Jeneralean, haragi eta ehiza prestaketei laguntzeko edo zaporea indartzeko erabiltzen da eta hau oinarri hartuta, beste saltsa ugari sor ditzakegu.
Saltsa hau egiteak denbora eta lana eskatzen du; beraz prestatzen denean kantitate handiak egin ohi dira. Denboran kontserbatu ahal izateko errazio txikietan izoztu daiteke, gero poliki poliki erabili ahal izateko.
;Erabilera
Normalean haragi prestaketa desberdinei gehitzeko.
Beste haragi saltsa mota ugariren oinarria bezala erabiltzeko.
Haragi saltsatik eratorritako beste saltsak
Bigarade saltsa, Bordalesa saltsa, Boloñesa saltsa, Txarkutera saltsa, Kazadora saltsa, Chaud-Froid Brune saltsa, Chevreuil saltsa, Colbert saltsa, Krema saltsa, Diabla saltsa, Diana saltsa, Duxelle saltsa, Italiar erarako saltsa, Liongo saltsa, Madeireko saltsa, Marchan de vin saltsa, Matelote saltsa, Moelle saltsa, Perigueux saltsa, Perigourdine saltsa, Poivrade saltsa, Oporto saltsa, Robert saltsa, Romaine saltsa, Salmis saltsa, Viennoise saltsa, Zingara saltsa.....
=== Zuku lodituak ===
Zartagin batean edo labeko erretilu batean itsatsita geratzen diren zukuak salda batekin berreskuratu eta saltsa dentsitatea emanik lortzen dugun likidoari esaten zaio.
Oinarrizko osagaiaren zaporea kontzentraturik saltsa bihurtua dugu.
Zuku itsatsia+likidoarekin busti+iragazi+ irinarekin loditu
Zuku lodi bat lortzeko pausoak eta aholkuak
Osagai bat labean edo zartagin batean erretzen dugunean, honek botatzen dituen zukua, ontzien azpi aldean lehortu eta itsasten dira. Zukuarekin batera ontzien azpi aldean koipea ere izaten da, baina hau beti likidoa izaten da.
1- Labeko erretiluari edo zartaginari olioa kendu.
2- Zartagin edo erretilu honi elementu likido bat gehitu ( salda, ura, ardoa...) eta pittin bar arraspatuz itsatsita dagoen zukua berreskuratu guk gehitutako elementu likidoarekin nahastuz.
3- Salda zaporetsu hau iragazi.
4-Arto irin birfinduz edo olioarekin nahastutako gari irina erabiliz salda hau loditu saltsa dentsitatea izan arte.
;Erabilera
Haragi, arrain eta barazki prestaketetan.
Kontu ibili behar da azpian itsatsitako zuku hau ez erretzeko, honek zapore garratza eta kolore oso iluna emango bailioke.
=== Veloute saltsa ===
Roux ( gurin eta gari irina minutu batzuetan egosia) zuri edo ilun bati salda zaporetsu bat gehituz lortzen den saltsa.
Gurin+ irin+ egosia+salda edo likido zaporetsua+ondu
;Aholkuak
Litro saldarako 40g gurin eta 40g irina.
Arrain, itsaski, barazki, hegazti edo haragi prestaketa desberdinetan erabil dezakegu.
;Erabilerak
Barazki, arrain edo haragi prestaketa desberdinen saltsa moduan erabiltzeko
Eratorritako saltsak
Alemaniar saltsa, Txanpiñoi saltsa, Chaud-Froid saltsa zuria, Chivry saltsa, Ciboulette saltsa, Curry saltsa, Estragoi saltsa, Poulette saltsa, Suprema saltsa.....
=== Bexamel saltsa. ===
Roux zuri bat ( gurin eta irin nahastu eta egosia) esnearekin busti eta loditu ondoren sortzen den saltsa dugu.
Gurin+ irina+ egosia+esnea+ondu
;Aholkuak
Irin gordina kentzeko rouxa lehenik su baxuan minutu batzuetan eta saltsa ondoren egostea garrantzizkoa da.
Bexamela askotan kroketen orearekin lotzen dugu; kontuan izan kasu honetan saltsa batez ari garela, beraz askoz arinagoa izango da kroketa ore bat baino. Jarraian, bexamel prestaketa desberdinak burutzeko erabil ditzakegun kantitateak.
Bexamela saltsa burutzeko: 40 g gurin x 40g irin.
Bexamela Fartsa bat ligatzeko: 60 g gurin x 60-80g irin.
Bexamela Villeroy bat egiteko: 110 g gurin x 110 g irin.
Bexamela kroketa batzuk egiteko: 120 g gurin x 120-150g irin.
;Erabilera
Pasta italiarrak burutzeko, barazkiak estaltzeko, betegaiak edo fartsak batzeko edo beste saltsa batzuk burutzeko.
Eratorritako saltsak.
Krema saltsa, Aurora saltsa, Nantua saltsa, Soubise saltsa, Mornay saltsa.
Saltsa emultsionatuak
Emultsio baten bitartez osagai kontrajarriak diren elementuak ( koipea eta ura) astinduz osagaiak batu, eta egoera solido edo egonkor bat lortzen denean.
Emultsionatutako saltsak solido mantentzea ez da beti erraza izaten, oso ezegonkorrak izaten baitira.
Maionesa Saltsa
Saltsa hotz emultsionatua da, iraunkorra
Gorringoa edo arrautza+ Olioa + koipea + ozpina edo limoia + gatza + irabiatu
;Aholkuak
Gaur egun maionesa komertzializatu nahi izanez gero, pasteurizatua edo arrautza-hautsa erabili beharko dugu.
Ozpina beti hasieratik gehitzea garrantzizkoa izango da, eta maionesa burutzen ari garen bitartean gehitzen badiogu, dentsitate gutxiagokoa lortuko dugu.
Epeltasunak beti emultsioa egiten lagunduko du, osagai oso hotzekin, berriz, zaildu liteke.
Arrautza freskoarekin egingo bagenu, salmonella izatearen arriskua izango luke eta beraz gauza batzuk zaindu beharko genituzke. Arrautza barruak ez du inoiz oskolik ukitu behar, arrautza apurtuak baztertu egingo ditugu azkar, egin orduko hozkailuan gorde eta ahalik eta azkarren kontsumitu beharko dugu.
Arrautzaren ordez esnearekin ere badago maionesa egitea.
Frantzian ohikoa da maionesak ziape koilarakada bat izatea.
Maionesa moztuko balitzaigu, ur bero pittin bat edo beste arrautza bat gehitzea izango litzateke berreskuratzeko modua.
Maionesa egiteko erabiltzen dugun oliba olioak garraztasun gutxi izan behar du: 0,4. Beste aukera bat izango da oliba eta ekilore olioa nahastea edo ekilore olioarekin bakarrik egitea.
Arrautza osoarekin egin daiteke edo gorringoarekin bakarrik. Arrautza osoarekin eginez gero, 500ml oliorentzat 2 arrautza erabiliko ditugu eta gorringoa erabiltzekotan 3 unitate.
;Erabilera
Plater hotz edo beroen lagungarri.
Entsaladen saltsa moduan.
Saltsa deribatuak egiteko
Saltsa deribatuak
Andaluziako saltsa, Ingeles saltsa, Bagration saltsa, Errusiar saltsa, Ramoulade saltsa, Tartara saltsa, Tyrolienne saltsa, Saltsa berdea, Saltsa arrosa.
Saltsa Holandarra.
Argitutako gurin, limoi zuku, gatz eta piper hautsa elkarrekin maria bainuan emultsionatutako saltsa dugu.
Argitutako gurina+limoi zukua+gatza+piper hautsa+ maria bainuan+irabiatu
;Aholkuak
500ml gurinetarako 6-8 gorringo erabiliko ditugu.
Gurina argitzeko dekantazio sistema erabiliko dugu, gurina goitik hartuz.
Gurina hasieran tantaka botako dugu, eta emultsionatu ahala gehiago botako diogu.
Maria bainua 40ºC-tan izatea komeni da eta inoiz ez 70ºC pasa.
Amaieran probatu eta puntuan jartzen amaitu.
Kontsumitu bitartean beroan mantendu behar da eta egunekoa bakarrik erabil daiteke.
Moztuz gero, izotz koxkor bat gehitu eta irabiatuko dugu, edo beste katilu batean harrotutako gorringo batekin poliki poliki nahastuko dugu irabiatzen utzi gabe.
Errezeta honen beste bertsio baten, ozpinetan murriztutako tipulatxa gehitzen zaio.
;Erabilera
Arrain desberdinen saltsa.
Prestaketa desberdinak estali eta gainerretzeko
Beste saltsa batzuen deribatua.
Saltsa deribatuak
Saltsa muselina eta Saltsa Maltarra.
Bearnoko saltsa
Holandarren antzekoa da. Bearnon du jatorria. Collinet sukaldari burua izan omen zen saltsa hau sortu zuena.
Tipulatxa+Estragoi ozpina+Argitutako gurin, gatz eta piper hautsa elkarrekin Maria bainuan emultsionatutako saltsa dugu.
Tipulatxa estragoi ozpinean murriztua+argitutako gurina+limoi zukua+gatza+piper hautsa+ maria bainuan+irabiatu.
;Aholkuak
500ml gurinetarako 6-8 gorringo erabiliko ditugu.
Gurina argitzeko dekantazio sistema erabiliko dugu, gurina goitik hartuz.
Gurina hasieran tantaka botako dugu, eta emultsionatu ahala gehiago botako diogu.
Maria bainua 40ºC-tan izatea komeni da eta inoiz ez 70ºC pasa.
Amaieran probatu eta puntuan jartzen amaitu.
Kontsumitu bitartean, beroan mantendu behar da eta egunekoa bakarrik erabili.
Moztuz gero, izotz koxkor bat gehitu eta irabiatuko dugu, edo beste katilu batean harrotutako gorringo batekin poliki poliki nahastuko dugu irabiatzen utzi gabe.
Badira errezeta honi ardo zuria eta pipermina gehitzen diotenak.
;Erabilera
Arrain desberdinen saltsa.
Prestaketa desberdinak estali eta gainerretzeko
Eratorritako saltsak
Choron saltsa, Foyot saltsa, Rachel saltsa.
Ozpin olioa.
Hasiera batean oinarri gisa oliba olioa, ozpina eta gatza dituen saltsa nahastua. Ondoren, beste osagai askorekin ondu daiteke.
Olioa+ozpina+gatza+piper hautsa+lagungarriak nahi izatera
;Aholkuak
Neurtu ongi osagaiak, olio ozpin eta gatz kopuruak.
Olio eta ozpin proportzioa desberdina izan daiteke. 5 olio 1 ozpina edo 4-1 edo 3-1. Ozpin motak ere baldintza dezake.
Erabili behar dugun bakoitzean nahastu.
Ziapea gehituz gero, saltsa kontu handiarekin emultsionatzeko aukera izango dugu.
Oinarri horri xehatutako bestelako osagai ugari gehitzea badugu: tipulina, piperrak, arrautza gogortua....
;Erabilera
Normalean entsaladak ontzeko erabiltzen dugu.
Beste saltsa batzuen deribatua
Saltsa deribatuak
Norvegiar saltsa, Pecheur saltsa, Ravigote saltsa, Anchoaide saltsa
Beurre balnc edo Gurin zuria
Ozpin eta ardo zuri lurrina duen tipulatxa, gurin eta esne gainez ligatutako saltsa.
Gure sukaldean oso ezaguna ez bada ere, Frantziako sukaldaritza klasikoan garrantzi handikoa izan da.
Tipulatxa+ozpina+ardo zuria+ dena murriztu+esne gaina+ murriztu+ gurin zati hotzak+gatza
;Aholkuak
Tipulatxa, ozpina eta ardo zuria batera murriztuko ditugu lehortu arte.
Esne gaina gehitu eta hau ere murrizten utziko dugu.
Gurin zati oso hotzak gehitzen joango gara saltsa krematsu bat lortu arte.
;Erabilerak
Arrain eta barazkietan erabiltzen da.
Eratorritako saltsak
Choron saltsa, Foyot saltsa.
Saltsa honi amaieran mota guztietako espezia eta belar usaintsuak, barazki pureak, boilurra, arrain salda gehitzea badago, hartara saltsa desberdinak lortuz.
Fruta eta barazkiekin loditutako saltsak
Fruta eta barazkiekin loditutako saltsak.
Itsaski saltsa edo amerikarra
Salteatu eta garreztatutako krustazeo oskolak, barazki eta likidotan egosi ondoren, irabiatu eta iragazita lortzen dugun itsaski saltsa zaporetsua.
Krustazeo oskol salteatuak+brandya+barazki usaintsuak+ardo zuria+tomate saltsa+arrain salda+ irabiatu+iragazi
;Aholkuak
Krustazeoaren buruak dira zaporetsuenak, beraz lehenetsi buruak saltsa hau prestatzeko.
Ohikoa da arrozetarako ganba txikiak erabiltzea; zapore ikaragarria ematen diote.
Saltsa hau iragazki fin batetik pasa behar da, buruan duen harea moduko pinporta txiki guztiak kentzeko.
Porrua, azenarioa eta tipula izango dira, besteak beste, erabiliko ditugun barazki usaintsuak.
Iragazki finetik pasatzean saltsa oso arina geratzen bada, amaieran arto irin findu pittin batekin loditu behar da.
;Erabilera
Arrain eta itsaski plateretan eta arrain zopa indartzeko erabiltzen da.
Eratorritako saltsak
New-burg saltsa, Nantua saltsa.
Tomate saltsa
Oinarrian tomate heldua, barazki usaintsuekin egosi eta irabiatutako saltsa dugu.
Tipula+azenarioa?+sueztitu+tomate heldua+elkarrekin egosi+irabiatu+iragazi
;Aholkuak
Barazki usaintsuak ongi sueztitzea eta tomatearekin konpotatzea garrantzizkoa izango da kalitatezko tomate saltsa bat burutzeko.
Kolore gorri biziko tomate bat nahiko bagenu, ez genuke irabiatuko, baizik eta purea egiteko gailutik pasako genuke.
Amaieran gatzarekin batera azukre pittin bat gehitzen da garratz puntua gehitzeko.
;Erabilerak
Saltsa erabilienetakoa dugu, edozein prestaketa motetan ikus dezakegu: haragia, arraina, itsaskiak, barazkiak, saltsak....
Eratorritako saltsak
Portugaleko saltsa, Saltsa Italiarra, Boloniako saltsa, Proventzako saltsa, Tomate coulis saltsa, Txipiroi tinta saltsa....
Barazki usaintsuen saltsak
Edozein gisatu edo erregosi mota prestatu eta osagai nagusia erretiratu ondoren, salda, barazki eta bestelako ongailu guztiak irabiatu eta iragazi ondoren lortzen dena.
Osagai nagusia+barazki salda eta ontzeko elementuekin gisatu+ osagai nagusia erretiratu+ gainontzekoa irabiatu+iragazi
;Aholkuak
Salda koloretsua eta zaporetsua nahi badugu, osagai nagusiari eta barazkiei aldez aurretik kolorea emango diegu. Salteatuta edo frijituta.
Salda zuriagoa eta zapore arinagoa nahi badugu, osagai nagusiari eta barazkiei aldez aurretik ez diegu kolorea emango edo gutxiago emango diegu.
Saltsa oso fina nahi badugu, irabiatu ondoren iragazki oso fin batetik pasatuko dugu. Saltsa horren fina nahi ez badugu, iragazki txino batetik pasatuko dugu.
;Erabilerak
Arrain, haragi, barazki edo perretxikoen lagungarri izan daiteke.
Eratorritako saltsak
Gisatu gehienetan lortzen ditugun saltsak talde honetan sar ditzakegu.
Saltsa gazi gozoa
Fruitu garratza edo karamelu eta ozpina oinarri dituzten saltsak ditugu.
Fruitu garratz-gozoa edo karamelu eta ozpina edo zuku garratzak+ saltsa kontzentratu bat+ontzeko elementuak
;Aholkuak
Karamelua erabiliz gero oinarri moduan, kontuz kolore gehiegi hartu gabe, bestela zapore txarra hartuko bailuke.
Basoko fruituak edo edozein marmelada garratzek balioko digu saltsa hauek prestatzeko.
Barazki saltsa, haragi saltsa, tomate saltsa edo edozein saltsa kontzentratu erabili ahal izango dugu, elementu garratz eta gozoarekin nahasteko.
Ontzeko garaian ere, ziapea, currya, jengibrea, limoi eta laranja azala, limoi edo laranja zukuak...
;Erabilerak
Jeneralean, erretako haragien lagungarri, barazkiekin edo entsaladak ontzeko erabili izan dira.
Eratorritako saltsak
Curry saltsa, Chutney saltsak, Sagar saltsa, Cumberland saltsa, Cesar saltsa..
Euskal Sukaldaritzako saltsa ezagunak
Gure sukaldaritzak saltsa ugari ditu baina zenbait azpimarratzen jarrita: saltsa berdea, pil-pil saltsa, bizkaitar eta txipiroi tintarekin eginiko saltsa azpimarratuko genituzke.
Saltsa berdea
Olio birjina, baratxuria, perrexila, irina eta elementu likido zaporetsu bat oinarri duen saltsa dugu. Euskal Herriko Veloutea saltsa nagusia dela esan dezakegu.
Olio oliba birjina+ baratxuri xehatua+ perrexil xehatua+ irina+likido zaporetsu bat
;Aholkuak
Baratxuria eta perrexila oso xehe egin behar dira.
Baratxuria zuri mantendu behar dugu; beraz, kontu handia eduki kolorea har ez dezan, olio hotzean jarri baratxuria.
Haragi salda, arrain salda, ardo zuria edo ura erabil dezakegu, saltsa hau prestatzeko. Osagai nagusia zein den eta honek ondoren saltsari emango dion zaporearen arabera aukeratuko dugu zein likido erabili.
Osagai nagusia gelatina askokoa ( bakailaoa, bakailao kokotxak, legatz kokotxak) bada, irina gehitu gabe ere egin genezake saltsa berdea.
Gelatina asko duten osagaiekin prestatuz gero errezeta, hau sutatik kanpo ( beroan baina ez irakiten) ligatu beharko dugu.
;Erabilera
Ohikoena arrain mota desberdinekin erabiltzea bada ere, barazkiekin, patatarekin perretxikoekin eta baita haragiekin ere erabil dezakegu.
Pil-pil saltsa
Bakailao, baratxuri eta pipermin zaporea duen olio birjin ligatua dela esan dezakegu.
Oliba olio birjina+baratxuria+pipermina+bakailaoa+konfitatu+epelean ligatu
;Aholkuak
Olioa ligatzeko edo emultsionatzeko beti sutatik kanpo egin beharko da.
Kazola mugitzen dugunean, bakailaoa ez puskatzeko azala beti gorantz jarri.
Gutxiago puska dadin, kazolatik atera eta saltsa bere horretan metalezko iragazki lodi batekin bakarrik liga dezakegu.
Saltsak ligatzeko nahitaezkoa likido kopuru bat. Olioa ligatzen hasteko jarri kazola azpian ur tanta batzuk.
;Erabilera
Normalean bakailaoarekin eta bakailao kokotxarekin atera dezakegu saltsa hau, baina oso zabalduta dago ondoren saltsa beste osagai batzuekin erabiltzea, gehienetan arrain edo ozpin olioa egiteko, baita barazkiekin ere.
Eratorritako saltsak
Pil-Pilarekin eginiko ozpin-olioa.
Bizkaitar saltsa
Tipula ugari eta piper txorizero ugariren mamia oliotan ongi goxatu eta salda zaporetsu batekin egosi eta birrindu ondoren lortzen dugun saltsa gorria. Ohiko galdera da ea tomatea behar duen, baina horretaz adostasunik ez dago. Geu zerbait jartzearen aldekoak gara.
Tipula+ txorizero mamia+gozatu+tomatea?+salda+ontzeko beste elementu batzuk+egosi+birrindu
;Aholkuak
Gogoratu piper txorizeroak, haziak kenduta, bezperatik ur epeletan beratzen jarri behar direla.
Tipula sueztituko dugu lehenik, eta oliotan denbora luzean egitea komeni da. Beste osagaiekin ere beti ongi goxatzen utziko dugu pasa aurretik.
Tomatea gehitzea aukeran bada ere, saltsari zapore osoagoa ematen laguntzen du.
Saltsa hau birrintzeko garaian irabiagailuarekin eginez gero, kolore asko kenduko genioke; purea egiteko gailu batekin pasatzea komeni.
Tipula gorria erabiltzeak lurrin berezi bat eta kolore berezi bat ere ematen dio saltsa honi.
Saltsa loditzeko, ogia, gailetak....denetarik erabili izan da.
Zaporea indartzeko, salda txuri on bat edo txerriki gazitu zatiak erabili izan dira.
;Erabilera
Bakailaoa Bizkaitar erara egiteko: tripakiak, txerri hankak, muturrak edo beste edozein haragi edo arrainekin prestatzeko erabiltzen da. Baita kolorea edo zaporea beste saltsa batzuei emateko ere.
Txipiroi tinta saltsa
Goxatutako barazki desberdinak eta ogi txigortuarekin eta txipiroi edo begi handiaren tinta freskoarekin nahastu eta belzten den saltsa dugu.
Tipula+piper berdea+gozatua+tomatea+ogia+txipiroi tinta freskoa+egosi+irabiatu
;Aholkuak
Barazkiak ongi goxatzea izango da oinarri onena saltsa honentzat.
Txipiroi tintak freskoa izan behar du. Tinta izoztua erosiko bagenu, zapore eta kolore gutxiago emango lioke.
Errezeta tradizionalean, ogi txigortua erabili izan da saltsa loditzeko eta esaten da txipiroiak prestatu eta biharamunean gozoagoak izaten direla.
;Erabilera
Bere ;Erabilera txipiroi edo begi handiekin bada ere, gaur egun beste prestaketa ugarirekin ere erabiltzen da, lagungarri moduan edo kolorea emateko ere: arrozarekin, piper berdearekin, kroketekin....
== Errezetak ==
* Barazki saltsa.
* Bearnesa saltsa
* Beurre blanc saltsa.
* Bexamel saltsa.
* Bizkaitar saltsa.
* Haragi saltsak.
* Holandesa saltsa.
* Kechup saltsa.
* Maionesa saltsa.
* Ozpin olio osoa saltsa.
* Ozpin olio saltsa.
* Pesto saltsa.
* Pil-pil saltsa.
* Piper saltsa.
* Saltsa Amerikarra.
* Saltsa arrosa.
* Saltsa berdea.
* Saltsa gazi gozoa.
* Sushi ozpin olioa.
* Tapaneda saltsa.
* Tartara saltsa.
* Tomate ozpin olioa.
* Tomate saltsa.
* Txipiroi tinta saltsa.
* Veloute saltsa.
* Zuku lodituko saltsak
| |||