Sukaldaritza liburua/Errezetak/Txerri iberiarraren presa carpaccioa.jpg

HARAGI CARPACCIOA

Iberiar presaren carpaccioa

MAHAIKIDEAK: 8

OSAGAIAK

• Azpizun haragi trontzoa: 400 g.
• Oliba olio birjina: 50 ml.
• Tomate ozpin olioa: 25 g.
• Gatza.
• Ondutako Idiazabal gazta: 150 g. xafla finetan.

PRESTAKETAK

• Txerriki haragia ondo garbitu, koipeak eta nerbioak kenduz.
• Haragi zatia film-arekin bildu estu, eta sartu izozkailura pare bat orduz.
• Denbora hori pasatutakoan, bertatik atera, kendu plastikoa eta xerratzeko aizto edo gailu elektrikoarekin xerra finak egin.
• Plater baten azpian zabaldu olio hari bat eta horren gainean, haragi xerrak.
• Haragia epela dagoenean, gehitu gainetik, limoiarekin egindako tomate ozpin olioa pitin bat.
• Amaitzeko, arraspagailuarekin Idiazabal lerro finak zabaldu gainetik jarri.

AHOLKUAK

• Normalean, zizka-mizka moduan jateko erabiltzen da.
• Gaur egun, haragiaren erdian entsalada berde edo belar usaintsu batzuk jartzea ohikoa da.
• Limoiaren ordez edozein fruitu azido tropikalek bestelako freskotasun bat ematen dio.
• Haragia horren gordina jateko erreparoak badituzu, gehitu limoi zukua pare bat ordu lehenago eta hozkailuan eduki, limoiak haragia marinatu dezan.