Sukaldaritza liburua/Osagaiak/Belar usaintsuak

Belar usaintsuak, freskoak, lehorrak eta hauts edo birrinduak sal daitezke. Lehorrak saltzen direnean, espezia kontsiderazioa hartzen dute. Freskoak hozkailuan ur ontzi batean sartuak gordetzea komeni da. Lehorrak, hezetasunik ez dagoen toki batean, ongi itxitako ontzietan eta toki ilun batean gordeta. Xehatu edo hauts bihurtu behar izanez gero, hau azken momentuan egitea komeni da.

Albaka, Ocimum basilicum

Pasta, entsalada, tomate edo pizza prestaketei ongi doakie.

Tipulin, Allium schoenoprasum

Osoa edo xehatua, entsaladetan, tortilletan, salteatutako barazkietan bikain doa.

Martorri, Coriandrum sativum 

Azenarioaren familiakoa da, haziak eta hostoak erabil daitezke. Mojo berdearen osagai nagusia da. Perrexila erabiltzen dugun moduan erabil liteke. Bere haziak berriz curryetan erabiltzen dira.

Aneta, Anethum graveolens

Zopei lurrin berezia ematen die, marinatuetan oso ezaguna, bereziki izokinaren kasuan.

Mihilu Foeniculum vulgare

Sopak eta arrainak ontzeko. Ozpinak lurrintzeko ere erabiltzen da.

• Belar usaintsuak
• 
  Albahaka
• 
  Tipulin hosto
• 
  Tipulin hosto
• 
  Martorri
• 
  Aneta
• 
  Mihilu
• 
  Mihilu

Estragoi Artemisia dracunculus

Zapore oso gogorreko belarra, haragiekin edo ozpinak lurrintzeko erabiltzen da.

Mendafin Mentha piperita

Entsalada eta prestaketa freskoak ontzeko, baita azken burukoak prestatzeko ere.

Erramu Laurus nobilis

Gisatu eta erregosietan, marinatuetan, itsaskiak egosteko, baita azkenburukoetan ere, arroz esnean adibidez. Freskoa edo lehorra eros daiteke.

Mendabeltz Mentha spicata

Mendafinak baino zapore sarkorragoa, gogorragoa, ez hain freskoa, entsaladetarako eta azkenburukoak prestatzeko.

Hierba Luisa edo berbena limousain

Limoi usain ederreko belarra, asko erbiltzen da infusioak eta izozkiak egiteko. Edertzeko ere erabiltzen da.

• Belar usaintsuak
• 
  Erramua
• 
  Mendafin
• 
  Mendabeltz
• 
  Hierba Luisa edo berbena limousain

Oregano Origanum vulgare

Mediterraneoko sukaldaritzan asko erabilia, entsalada, pasta, saltsa eta haragi ongailuetan.

Perrexil Petroselinum crispum, neapolitum

Gure sukaldaritzan gehien erabiltzen duguna, tortilla, kroketa, eta mota guztietako barazki prestaketetan. Salda eta eltzekarietan falta ezin dena.

Perrexil kizkur Petroselinum crispum

Ohiko perrexilaren moduan erabil liteke, baita platerak edertzeko gehiago erabiltzen da.

Apoperrexil, Anthriscus cerefolium

Mediterraneoko sukaldaritzan oso erabilia, perrexilaren erabilera berdinak izan ditzake.

Erromero, Rosmarinus officinalis

Haragi gorri, ardiki eta ehizak. Prestaketa erre, gisatu edo erregosietan erabiltzen da.

• Belar usaintsuak
• 
  Oreganoa
• 
  Perrexil sorta
• 
  Erromero

Errukula, Eruca vesicaria

Entsaladetan, ogi tarteko edo sandwichetan erabiltzen da.

Salbia, Salvia officinalis

Lurrin handikoa, ehiza eta haragi plateretan erabiltzen dena.

Ezkai Thymus sp 

Zapore sarkorra du, ehiza, haragi platerak, marinatuak prestatzeko. Ozpinak eta olioak ontzeko ere erabiltzen da.

Belar usaintsuen argazki galeria

• Belar usaintsuak
• 
  Salbia
• 
  Ezkai
• 
  Edertzeko belar usaindunak.