Sukaldaritza liburua/Teknikak/Ohiko egosketa teknika

Ohiko egoste teknika (Egosi)

Ur, salda, esne edo likidoren irakinaldiari esker osagaia egostea. Gure etxeetan, hau da gehien erabili den egosketa mota .

Ohiko egoste teknikak, hiru ataletan banatzen dira. Likido hotzetik nahiz likido irakinetik abiatutakoak eta Ingeles erara eginikoa.

Likido hotzetik abiatutako egosketak.

Ur, salda, esne edo likido hotzetik abiatuta eta irakinaldi bati esker, osagaia egostea.

Ur edo salda + egosteko osagai nagusia+ lagungarri zaporetsuak.

ERABILPENA

• Egosiko dugun osagaien zaporea, saldan amaitzea nahi denean.

Saldak, kontsomeak, eltzekariak, garbantzuak izan ezik.

Amaieran gatzatu.

• Osagaia edo honen zati bat, egostean desegiterik, puskatzerik edo zatitzerik nahi ez denean.

Odolkia, mondejua, txorizoa, arrautza, abakandoa, txangurroa, buia, patata...

Aldez aurretik gatzatu.

• Eragin fisikoetatik osagaia egostean fekula hobeto askatzea nahi denean.

Patatak.

Hasieran gazitu.

• Egostean usain gogorreko haragien lurrina leundu nahi denean.

Txerri hankak, txahal muturrak, tripakiak, mingaina.....

Hasieran gazitu.

HAINBAT AHOLKU

• Likido edo salda kantitatea ondo neurtu, gehiegi izan ez dezan. Likido gutxi jarriz gero, errazago konpon edo zuzen baitaiteke.

• Irakina beti su baxuan egin.

• Denborak ez dira finkoak izango eta osagaia momenturo aztertu, egina dagoen edo ez jakiteko.

ONTZITERIA EDO TRESNAK

• Marmita, marmita ertaina edo kazola.

Likido irakinetik abiatutako egoste teknika

Irakiten dagoen uretik abiatu eta irakinaldi baten ondoren, osagaia egosi.

Irakiten dagoen likidoa + gatza+ osagaiak nagusia+ lagungarriak aukeran.

ERABILPENA

• Osagai nagusiaren zaporea gorde edo hobetzea nahi denean.

Arraiak eta haragiak orokorrean.

Legatza, oilaskoa.

• Egosketa denborak ongi kontrolatu eta gehiegi egiterik nahi ez denean.

Arroza, pasta, barazkiak.

• Eragin fisikoengatik ur berotatik abiatuta hobeto egosten denean.

Garbantzuak.

HAINBAT AHOLKU

• Zaporea osagaiak mantentzea nahi bada, likido kantitate txikia erabili.

• Kasu batzuetan likido kantitatea zehatz neurtu behar da. Kasu, arrozak.

• Denbora oso ondo neurtzea inportantea da.

ONTZITERIA EDO TRESNAK

• Marmita ertaina edo kazola.

Ingeles-erara eginiko egosketak

Irakiten dagoen gatzatutako uretan, osagaia egostea, eta hau puntuan dagoenean, kolpetik ur hotzetan, egosketa moztea.

Irakiten ari den ura + gatza + osagai nagusia + freskatzea.

ERABILPENA

• Akats gutxi onartzen eta ezaugarri organoleptikoak azkar galtzen dituzten osagaientzako erabiltzen da.
• Barazkiak bereziki eta hauetan gehien zaindu beharrekoak, kolore berdekoak.

Lekak, azak, ziazerbak, eskarola, zerbak....

• Itsaskietan edo, entsaladetarako pasta edo arrozekin ere erabiltzen da.

HAINBAT AHOLKU

• Ur irakinari, litroko 15g gatz gehitu. Nahi izatera azukre pittin bat ere gehitzerik dago.

• Barazkia gehitzean, urak irakina gal ez dezan saiatu, horretarako barazkia poliki-poliki gehitu.

• Barazkia, ur irakinetan sartutakoan, lehen minututan mugitu eta ziurtatu uretan ongi murgilduta dagoela.

• Ez jarri taparik.

ONTZITERIA EDO TRESNAK

• Marmita, marmita ertaina edo kazola.