Euskal Herriko bidaia-gida/Herriz herri/Burgi

Burgi Euskal Herriko udalerri bat da, Nafarroa Garaian. 195 biztanle ditu.

Burgi
Administrazioa
Estatu burujabe	Espainia
Foru erkidego	Nafarroa Garaia
Alkatea	Elena Calvo Petroch (en)
Izen ofiziala	Burgui Burgi
Posta kodea	31412
Herriburua	Burgi
Geografia
Koordenatuak	42° 44′ 12″ N, 0° 59′ 12″ W
Azalera	64.33 km²
Altuera	631 m
Mugakideak	Nabaskoze, Galoze, Bidankoze, Erronkari, Garde eta Salbaterra Ezka
Demografia
Biztanleria	195 bizt. (2023)
Dentsitatea	3,03 bizt/km²

Ezagutu

Burgi herria Erronkari ibarrerako sarrera da, Eska ibaiak Borregil (1.420 m.) eta Haitzeko Ama Birjina (1.294 m.) mendien artean sortzen duen arroila igaro eta gero hegoaldetik iristen bagara. Aragoiko mugatik hurbil egonda, ibarraren defentsarako gaztelu garrantzitsu bat egon zen bertan, eta halaber oraindik ere hantxe daude VIII. mendean San Eulogio bisitatu zuen Urdaspaleko beneditar monasterioaren hondakinak.

Erromatar zubia zain daukagu herrirako sarreran, bere postaleko itxura ezaguna guri eskainiz. Hasierako lau arkuak, goragunea eta Eska ibaiaren urak urratzeko baliatzen dituen brankak beren hartan daude oraindik ere. Uretan gora metro gutxi batzuk eginik, almadiak jaisterakoan igarotzen zuten presa edo "portu" txiki batek gogorarazten digu zur ustiaketa, abeltzaintzarekin batean, bertako biztanleen eginbehar nagusia izan dela.

Burgiko etxeak Eska ibaiaren eskuineko bazterrean tarteka-marteka pilatzen dira. Karrika harriztatuak eta teila kurbatua zein teilatu-hegal atereak dituzten etxeak dira bere ezaugarriak.

Bere udal barrutian natura-balio handiko tokiak daude, Sasiko Baltsak edo Burgiko arroila, Natura Erreserba izendatua eta Europa osoko sai arre kolonia handienetariko bat dena, bere pareta ikaragarrietan bizi diren harkaitzetako beste hegazti guztiak ahantzi gabe, noski.

Egun, almadia Burgi herriaren nortasun sinbolo bilakatu da, Nafarroako Almadiazainen Kultur Elkarteak antolatzen duen Almadiaren Egunari esker, almadia lanbide zuten guztien gorazarre gisa.

Zer ikusi

Almadiaren museoa .

Burgiko arroila

Ibilbideak

• Euskal Herriko bidaia-gida/Ibilbideak/Azanzorea kobako bidea
• Euskal Herriko bidaia-gida/Ibilbideak/GR 321: Erronkariko Errege Bidea

Non jan

• El Almadiero Landa Hostala., Aita Tomas Burgikoa plaza, 1., ☏ 948 477 086 • 650 665 949FORMATNOCC, ✉ hotelalmadiero@gmail.com.. http://www.almadiero.com/ (Noiz gaurkotua: 2020 uzt)

Lo egin

El Almadiero Landa Hostala

Ikus, gainera

• Euskal Herriko bidaia-gida

Kanpo estekak

• Burgi Wikipedian