Sukaldaritza liburua/Errezetak/Porrusalda

Errezeta-liburuaren parte.

Porrusalda

Osagaiak

Lau lagunentzat

• 4 porru eder
• 2 azenario eder
• Patatak, kilo erdia
• Litro bat ur
• 4 koilarakada olio
• Gatza

Pausuak

1. Porruak eta azenarioak zuritu eta zati meheak egin. Patatak zuritu eta zatitu, puska txikitan kaskatuz.
2. Su ez oso bizira hurbildu kazola bat, jarri olioa eta barazki guztiak, gatz pixka batekin, eta eragin etengabe. Hogeiren bat minutuz eduki holaxe, gorritzen utzi gabe.
3. Ura bota gainera eta beste 20 minutuz eduki egosten, gatz puntua zuzendu, eta behar izanez gero, zaporea areagotzeko, haragi-salda kontzentratuaren pastilla bat gehitu edo, uretan egosi ordez, egosi haragi edo barazki saldatan.
4. Bero-bero mahairatu.