Sukaldaritza liburua/Errezetak/Ardi salda
ARDI SALDA
5 l lortzeko.
OSAGAIAK
aldatu- Ardi buru: 1 erdibitua.
- Ardi haragia. 1 kg.
- Ardi hezurra: 1 kg.
- Tipula: 2 zuritu eta erdibitu.
- Azenarioa: 3 zuritu eta luzean erdibitu.
- Porruaren berdea: 3 garbitu eta bere horretan.
- Perrexila: Eskukada 1, uretan ondo garbitua.
- Baratxuria: Buru oso 1, kanpoko hosto lehorrak kendu eta erdibitua.
- Ura: 8 litro.
- Gatza.
PRESTAKETA
aldatu- Ardi burua, haragia eta hezurrak ur hotzetan ongi garbitu.
- Ortukoak oso ongi garbitu eta barazki sorta bat edo bi egin listariarekin lotuz
- Marmita zabal batean ur hotza jarri eta kontu handiarekin sartu bertan, burua, haragia hezurrak eta barazkia.
- Aurreko pauso hori kontu handiarekin egin behar da, barazki guztiak ondo garbiturik eta mugimendu bortitzik egin gabe.
- Sua piztu eta 3 orduz irakingo dugu.
- Salda kontu handierekin, iragazki fin batetik edo estameta batetik pasa.
- Gatzatu.
- Behin hoztu ondoren koipe gehiegi balu, nahi duguna erraz kenduko genioke.
AHOLKUAK
aldatu- Bereziki Baztan zopa egiteko erabiliko dugu baina, ardiki gisatu edo arrozak egiteko ere egokia dugu.
- Gardentasuna asko baloratzen da, horregatik prestaketa guztian oso ondo garbituko ditugu osagai guziak eta ez dugu mugimendu bortitzik egingo.
- Saldak kolore ilunagoa edo gorriagoa izan dezan nahi badugu, tipula xerratu eta plantxan kolorea eman ondoren sartuko dugu marmitara.