Sukaldaritza liburua/Errezetak/Arkume txuletak bexamelarekin

ARKUME TXULETAK " VILLEROY" ERAN

Arkume txuletilla Villaroy eran

MAHAIKIDEAK: 4

OSAGAIAK aldatu

  • Hezurdun arkume txuleta: 16.
  • Gatza.
  • Oliba olio birjina: 100 ml.
  • Gurina: 30 g.
  • Irina: 30 g.
  • Esnea: 500 ml.
  • Intxaur muskatua.
  • Piperbeltz zuria.
  • Arrautza: 2.
  • Ogi birrindua: 200 g.
  • Ekilore olioa: 400 ml.


PRESTAKETAK aldatu

  • Arkume txuleta ondo garbitu, soberako gantza kenduz eta txuletaren makila trapu batekin tiraka zurituz.
  • Gatz eta piper hautsarekin ondu.
  • Zartagin batean, oliba olioarekin arkume txuletak buelta eta buelta emanez frijitu, erretilu batean gorde.
  • Beste alde batetik, kazola estu batean gurina eta irina sutan jarri. Egosi elkarrekin 5 minutuan su baxuan.
  • Gehitu esne beroa, poliki poliki, hagatxo batekin eragiten diogun bitartean. Egosi beste 5 minutuan.
  • Ondu bexamel hori piper hauts zuriarekin, intxaur muskatuarekin eta gatzarekin.
  • Arkume txuletak makilatik eskuarekin helduz, pasa haragia bexameletik eta koipearekin igurtzirik dagoen erretilu batean, utzi hozten.
  • Behin arkumeak ondo hozturik dugunean, birrineztatu, arrautza irabiatutik lehenik, eta ogi birrindutik pasatuz ondoren.
  • Amaitzeko, jan aurretik zartagin batean frijitu.


AHOLKUAK aldatu

  • Arkume txuletak bexameletik pasatzeko hau oso beroa dagoela egin behar da, bestela dentsitate handia hartzen baitu segituan, eta horregatik ezingo dugu ondo estali.
  • Jatorrizko "Villeroy" saltsak, gazta birrindua eta oilasko zuringoa darama; nahi izatera, modu horretara egin liteke, baina lodiegia ez geratzeko kontu izan beharko da.