Sukaldaritza liburua/Errezetak/Arrain budina

MAHAIKIDEAK: 6

ARRAIN BUDINA

OSAGAIAK

• Oliba olio birjina: 50 ml.
• Tipula: ½ lerrotan.
• Porrua: 1/2 lerrotan.
• Tomate birrindua: 100 ml.
• Arrain zuria: 400 g. 5 minutu egosi, xukatu eta birrindua.
• Esne-gaina: 250 ml.
• Gatza.
• Piperbeltz zuri.
• Arrautza: 7.
• Gurina eta irina moldea estaltzeko.

PRESTAKETA

• Tipula eta porrua olioarekin kazola batean su baxuan goxatzen jarri.
• Barazkia ongi egina dugunean, tomatea gehitu eta 15 minutuz egiten utziko dugu, ongi lehortuz.
• Arrain zuria eta esne-gaina bertaratu. Irakinaldi bat eman eta sutatik kendu.
• Arrautzak irabiatu eta hau ere elkartu aurreko orearekin.
• Gatza eta piperbeltz zuriarekin ondu.
• Moldea gurina eta ogi birrinduarekin estali.
• Labea 180ºC-tan piztu.
• Moldeak bete eta maria bainuan labera sartu.
• 30-40 minutu inguru egosi. Txotxa erdian sartu eta garbia ateratzen denean, labetik kendu eta hozten utzi.
• Behin hoztutakoan moldetik atera.

AHOLKUAK

• Nahi izanez gero, moldea labera sartu aurretik, paper herdoilgaitzarekin estali, gainetik ez belzteko.
• Arrautza beti sutatik kanpo gehitu, bestela mamitzeko arriskua izango dugu.