Sukaldaritza liburua/Errezetak/Arrautza bete frijituak

ARRAUTZA BETE FRIJITUAK

MAHAIKIDEAK: 24 arrautza erdi.

OSAGAIAK

• Arrautza egosia: 12 ale.
• Gurina: 60 g.
• Irina: 60 g.
• Esnea: 500 ml.
• Urdai egosia: 50 g. xehatu.
• Piperbeltz.
• Gatza.
• Intxaur muskatua.
• Ekilore olioa: Ontzia margotzeko.
• Bexamel saltsa fina : Litro 1, 90 g. irin eta gurinarekin eta litro esnearekin egina.
• Arrautza eta ogi birrindua: Birrineztatzeko.
• Ekilore olioa frijitzeko: 400 ml.

PRESTAKETA

• Lehenik arrautza egosia zuritu eta erditik moztu. Gorringoa eta zuringoa banandu, gorringoa xehatuz.
• Gurin, irin eta esnearekin bexamel bat egin, urdaia eta gorringoa gehitu, 15 minutuz egosi, ondu eta sutatik atera.
• Bexamela epel dagoenean, eta koilara baten laguntzaz arrautzak ongi bete eta hozten utzi.
• Arrautzak hozturik daudenean, bigarren bexamel bat egingo dugu, kasu honetan zuria, 90 g irin eta gurinekin eta litro bat esnerekin.
• Bexamel honetan, arrautza erdiak sartu eta bi koilararen laguntzaz bexamelarekin estaliz. Olioz margotutako erretilu batera atera.
• Amaitzeko, arrautza eta ogi birrinduekin estali eta frijitu.

AHOLKUAK

• Arrautzak bigarren bexamelean azkar bildu behar dira. Poliki eginez gero, bexamelak dentsitate hartuko luke eta ez luke ongi estaltzen utziko.
• Bexamela egosteko garaian oso gainean egon behar da itsatsi ez dadin.