Sukaldaritza liburua/Errezetak/Arrautza frijitua

ARRAUTZA FRIJITUA

MAHAIKIDEAK: 4 lagun.

OSAGAIAK

• Arrautza oso freskoak: 8.
• Oliba olioa birjina: Ugari baina zartaginaren arabera gutxiago edo gehiago.
• Baratxuria: 4 erdibitu.
• Gatza.

PRESTAKETA

• Zartagin bat sutan jarriko dugu olio eta baratxuriarekin.
• Baratxuriak kolorea hartutakoan, erretiratu.
• Arrautzen oskolak banan-banan kraskatu eta katilu batean jarri, puskatu gabe.
• Zartagineko sua igo eta nahiko bero dagoenean, kontu handiarekin oliotan sartu.
• Gazitu eta bitsaderarekin olioz arrautza busti momenturo.
• Arrautzari alboak txigortzen hasitakoan, eta gorringoa gehiegi gogortu aurretik atera.

AHOLKUAK

• Kontu izan arrautzaren gorringoa gehiegi egin ez dadin; azkar burutu behar da, horregatik gainetik olio beroarekin bustitzea garrantzizkoa da.