Sukaldaritza liburua/Errezetak/Arrautzak kardu eta kutixiekin

Errezeta-liburuaren parte. Arrautzak kardo eta kutixiekin[1]

Osagaiak aldatu

Osagaiak lau pertsonarentzat:

Pausoak aldatu

Errezeta honetarako, kardo freskoa erabiliko dugu, baina nahi izanez gero, kontserbakoa ere erabil dezakezue. Kardo freskoak garbitu eta zuritu, hari guztiak ongi kendu arte. Pazientziarekin, denbora hartu. Ondoren, kardo bakoitza pusketatan moztu.

Lapiko bat urez bete, eta irakiten jarri. Gatz pixka bat bota. Bertan, hamar minutuz bakarrik egosi kardoak (lehenengo irakinaldi hori kardoak duen zapore indartsua murrizteko da). Kardoa atera, eta dagoeneko irakiten prest dugun beste lapiko batera pasatu. Tapa azkarrarekin erabil daitekeena izan behar du derrigorrean. Ordubetez tapa azkarrarekin egosi. Gero, atera, eta gorde. Salda pixka bat ere gorde geroko.

Lapiko zabal batean, tipulina zati txikitan erregosten jarri, oliba olio zorrotada batekin, hamabost bat minutuz. Segidan, baratxuriak fin moztu eta gehitu egingo dizkiogu. Baita urdaiazpikoa ere, laukitan moztuta. Irin koilarakada pare bat gehitu eta ongi nahastu ondoren, kardoaren salda pixkanaka gehitu, gatz pitin batekin eta kardoekin batera. Hamar minutuz, poliki irakin, su motelean. Bitartean, lapiko batean gari zainzuriak egosi, bost minutuz. Horiek ere kardoa dugun lapikora gehitu, gulekin batera.

Bukatzeko, arrautzak lapikoan ireki banan-banan, gatz pitin bat bota, eta lapikoa estali. Lau minutuz, arrautzak erdi egosita izango ditugu; eta dena mahaira zerbitzatzeko prest.


Erreferentziak aldatu