Sukaldaritza liburua/Errezetak/Arroz osoa barazki salteatuekin

ARROZ OSOA BARAZKI SALTEATUEKIN

Arroz osoa barazkiekin

MAHAIKIDEAK: 4

OSAGAIAK

• Arroz osoa: 320 g.
• Oliba olio birjina: 150 ml.
• Baratxuria: 4 ale xerratuak.
• Tipula: 2 dadotan.
• Pipermorro gorria: 1 dadotan.
• Piper berde italiarra: 2 dadotan.
• Barrengorriak: 200g garbituak eta xerratuak.
• Kuiatxoa: 1 dadotan azal eta guzti.
• Perrexila: Sorta txiki bat xehatua.
• Tamaria edo soja saltsa: Tanta batzuk

PRESTAKETA

• Arroza uretan ondo garbitu.
• Presio eltzea sutan jarri, arrozaren pisua halako 5 uretan.
• Ura irakiten hasitakoan, gehitu arroza eta tapatu.
• Irakin presio eltzean 12 minutuz, eta utzi bere horretan beste 10 minutuz, eltzeak presioa guztiz galdu arte.
• Tapa kendu eta arroza zabaldu erretilu edo pertz batera azkar hozteko.
• Bestetik, kazola zabal batean oliba olioaren 2/3 baratxuriarekin su bizian jarri, eta hau kolorea hartzen hasitakoan gehitu tipula eta piperrak.
• Su bizian kolorea hartzen hasitakoan berriz, lehenik barrengorriak gehitu eta ondoren kuia-txikia.
• Salteatu batera minutu pare batez.
• Amaitzeko elkartu barazki honekin arroza, ongi nahasiz.
• Ondu oliba olio gordinarekin eta tamari edo soja saltsa tanta batzuekin.

AHOLKUAK

• Arroz osoa ohiko kazola batean 40-45 minutuz ere egos daiteke.