Sukaldaritza liburua/Errezetak/Atungorri sashimia
ATUNGORRI EDO HEGALUZE SASHIMIA
MAHAIKIDEAK: 4
OSAGAIAK
aldatu- Limoi edo lima zukua: 40 ml.
- Laranja zukua:40 ml.
- Soja saltsa: 40 ml.
- Sesamo eta sesamo beltza: 40 g. zartagian segundo batzuk txigortu.
- Oliba olio birjina.
- Atungorria edo hegaluzea: 400 g. Goreneko trontzoa karratu luzean.
- Lurrina duten loreak eta koloredunak: Edertzeko.
- Daikon ernamuindu: Pitin bat.
- Jengibre marinatua: 20 g.
- Wasabia: 25 g.
- Erremolatxa: 50 g. arraspagailuan birrindua.
PRESTAKETA
aldatu- Atungorri edo hegaluze trontzoa, film plastikoan bildu eta izozkailuan sartuko dugu 15 minutuz.
- Zartagin batean segundo batzuk txigortu sesamoak.
- Almaiza batean kolpe gutxi batzuk eman sesamo haziei eta gehitu oliba olioa, laranja eta limoi zukua eta soja saltsa. Nahasi dena ongi.
- Beste alde batetik erremolatxa zuritu eta arraspagailuan birrindu.
- Platera muntatzeko erretilu edo plater luze batean erremolatxarekin ohe bat egin.
- Arraina izozkailutik atera, film plastikoa kendu eta plantxa oso bero batean segundo butzuetan kolore pitin bat eman.
- Xerrak egiteko aiztoarekin xerra ( lodiagoak edo finagoak izan daitezke, baina beti arraiaren giharraren kontrako norabidean) moztu.
- Muntatu xerra hauek erretiluan bata bestaren segidan, baina, elkar tapatu gabe.
- Gehitu gainetik aldez aurretik prestatutako saltsa eta utzi bere horretan 5 minutuz.
- Jan aurretik, daikon ernamuindu eta lore batzuekin edertuko dugu.
- Albo batean jengibre marinatua eta Wasabia jarriko diogu.
AHOLKUAK
aldatu- Esan beharrik ez dago arrainak oso freskoa behar duela.
- Arraina gordinik jan egingo dugunez tresneria guzia oso garbia behar du izan.
- Plantxako kolpeak oso motza izan behar du eta normalean hau egin gabe prestatzen da.
- Japonian ohiko da daikon arbiarekin aurkeztea eta ez erremolatxarekin.