Sukaldaritza liburua/Errezetak/Bakailao betegaia

BAKAILAO BETEGAIA

MAHAIKIDEAK: 8

OSAGAIAK

• Bakailaoa: 200 g.
• Gurina: 75 g.
• Oliba olio birjina: 75 ml.
• Tipula: 1 xehatu.
• Irina: 150 g.
• Esnea: 1l beroa.
• Perrexila: Sorta txiki bat xehatua.
• Gatz fina.
• Gurina: Pitin bat orea gainetik margotzeko.
• Ekilore olioa, arrautza eta ogi birrindua kroketak estaltzeko.

PRESTAKETA

• Ur gatzatuan bakailaoa 2 minutuz irakin. Bere horretan epeltzen utzi eta birrindu haragia.
• Gurina, olioa eta tipula kazola batean su motelean goxatzen jarri.
• Tipula gorritu aurretik, irina gehitu eta hau ere, su motelean, 5 minutuz egosi.
• Jarraian, esnea poliki poliki gehitzen joan, hagatxoarekin eragiten diogun bitartean.
• Bexamela irakiten hasitakoan irakin su baxuan 10 minutu.
• Denbora hau pasatutakoan, bakailaoa eta perrexila gehitu, eta beste 5 minutuz su motelean irakin, beti hagatxoarekin momenturo eragiten.
• Gatza eman ondoren, erretilu batera atera eta gurinarekin gainetik margotu.

AHOLKUAK

• Piper beteak egiteko edo bestelako betegai moduan balioko du.
• Baita kroketak egiteko ere.