Sukaldaritza liburua/Errezetak/Bexamelaz eginiko legatz betegaia

BEXAMELAZ EGINIKO LEGATZ BETEGAIA

MAHAIKIDEAK: 8

OSAGAIAK

• Gurina: 75 g
• Oliba olio birjina: 75 ml
• Tipula: 1 xehatua
• Irina: 150 g
• Esnea: 1l beroa.
• Legatza: Irakinaldi motz batekin eta birrindua 200 g
• Perrexila: Sorta txiki bat xehatua
• Gatz fina
• Gurina: Pittin bat orea gainetik margotzeko
• Ekilore olioa, arrautza eta ogi birrindua kroketak estaltzeko

PRESTAKETA

• Gurina, olioa eta tipula kazola batean su motelean goxatzen jarri.
• Tipula gorritu aurretik, irina gehitu eta hau ere, su motelean 5 minutuz egosi.
• Jarraian, esnea poliki poliki gehitzen joan, hagatxoarekin eragiten diogun bitartean.
• Bexamela irakiten hasitakoan, irakin su baxuan 10 minutu.
• Denbora hori pasatutakoan, legatza eta perrexila gehitu eta beste 5 minutuz su motelean irakin, beti hagatxoarekin momenturo eragiten.
• Gatza eman ondoren, erretilu batera atera eta gurinarekin gainetik margotu.

AHOLKUAK

Piper beteak egiteko edo bestelako betegai moduan balioko du.

Baita kroketak egiteko ere.