Sukaldaritza liburua/Errezetak/Bizkotxo arina

OINARRIZKO BIZKOTXO ARINA

MAHAIKIDEAK: 6-8

OSAGAIAK

• Arrautzak: 7.
• Azukrea: 210 g.
• Irina: 210 g bahetu.
• Arto irina: 30 g.
• Legami hautsa: Kafe koilarakada edo 5 g.

PRESTAKETA

• Labea 200ºC-tan piztu.
• Bizkotxoa egiteko ontzia gurinez eta irinez estali.
• Irina, arto irina, eta legamia elkartu.
• Pertz batean arrautzak azukrearekin harrotu, zuritu arte.
• Kontu handiarekin irina, arto irina eta legami hautsa nahasi.
• Moldea bete eta labean egosi 20 minutu inguru.
• Labetik atera bezain pronto, ontzitik atera eta hozten utziko dugu.

OHARRAK

• Arrautza ongi harrotzeko tresneria ondo garbiturik eta lehorturik izan.
• Arrautzak ongi harrotzea ezinbestekoa da.
• Harrotutako arrautzari irina kontu handiarekin nahastu behar zaio. Pauso honetan, inoiz ez da irabiatu behar, helburua lehenago harrotutako hori mantentzea da.
• Behin moldetik atera eta hozteko, moldean zegoen posizio berean utzi behar dugu, bestela mahaira itsatsi egingo zaigu.