Sukaldaritza liburua/Errezetak/Denetariko pizza

DENETARIKO PIZZA

MAHAIKIDEAK: 4.

OSAGAIAK

Pizza orea egiteko

• Indar erdiko irin zuria, integrala edo semola: 250 g.
• Gatza: 2 g.
• Ur epela: 125 ml.
• Oliba olio birjina: 25 ml.
• Legamia: Legami freskoa 10 g., lehorra edo kimikoa: 3 g.
• Luzatzeko irina: 15 g.

Pizza estaltzeko

• Tomate saltsa: 100 ml.
• Barrengorria: 100 g. xerratu eta salteatu.
• Tipula: 1/2 xerratu eta salteatu.
• Piper gorria: 1/4 lerrotan Frijitu edo salteatu.
• Antxoak oliotan: 8, zatitu.
• Oliba berdeak hezurrik gabe: 12 xerra.
• Oreganoa.
• Mozzarella gazta edo urtzeko gazta: 100 g.

PRESTAKETA

• Okin legami freskoa ur epeletan eskuekin nahastu; Lehorra edo kimikoa balitz, zuzenean irinari gehitu.
• Mahai batean edo pertza batean (sukaldea gutxiago zikintzeko) irin eta gatzarekin sumendi bat egin, ura poliki poliki gehitzen joan eskuekin nahasten dugun bitartean.
• Ur dena gehitutakoan, ongi nahastu eta 10 minutuz landu, orea puskatuz.
• Trapu busti batekin estali eta pausatu 15 minutu.
• Arrabola batekin edo eskuekin eta irin pittin baten laguntzaz, orea guk aukeratutako pizza moldeaz estaliko dugu.
• Horren gainean tomatea banatu lehenik, eta barazkia ondoren.
• Jarraian olibak, antxoak, oreganoa eta Mozzarella.
• Antxoen olio pittin bat ere zabal dezakegu.
• Labean sartu 210ºC-tan 8-10 minutu.

AHOLKUAK

• Pizzari estaltzeko osagaiak alda daitezke.
• Barazkia aldez aurretik salteatuta edo zuzenean gordina gehitu daiteke.