Sukaldaritza liburua/Errezetak/Hegaluze enpanadilla

HEGALUZE ENPANADILLA

Hegaluze enpanadilla

OSAGAIAK

Orea egiteko osagaia

• Indar erdiko gari irin zuria: 300 g.
• Gurina: 100 g.
• Ura: 260 g.
• Gatza: Pitin bat.

Betegaia egiteko osagaia

• Hegaluze egosia edo oliotan: 100 g. birrindua.
• Olibak: 50 g. xehatu.
• Tomate saltsa: 50 ml.
• Arrautza egosia: 1.
• Gatza.

PRESTAKETA

• Kazola batean gurina eta ura sutan jarri.
• Urturik dugunean, epeltzen utzi eta gehitu irina eta gatza.
• Nahasi espatula batekin, ongi bateratu bitartean utzi zapi busti batekin bere horretan 15 minutu.
• Beste katilu batean birrindu hegaluzea eta gehitu olibak, tomate saltsa eta arrautza. Nahastu eta ondu.
• Orea arrabola eta irin apur baten laguntzaz zabaldu.
• Molde txiki edo baso borobil baten laguntzaz moztu aurrez zabaldu dugun orea errazioetan.
• Jarri horien erdian koilara batekin betegarria.
• Margotu ur pitin batekin alboak.
• Orearen erdiarekin estali beste erdia eta behatzen edo sardexka baten laguntzaz zapaldu izkin guztia.
• Olio ugari duen zartagin batean frijitu eta ongi xurgatu olioa.

AHOLKUAK

• Tomate frijituarekin zerbitzatzea ohikoa da.
• Bestelako betegaiekin guk nahi dugun moduko enpanadilla presta genezake.
• Betegarriak nahiko lehorrak izatea komeni da, hezetasuna kanpora ez ateratzeko.