Sukaldaritza liburua/Errezetak/Hiru koloretako budina

3 KOLORETAKO BUDINA

MAHAIKIDEAK: 4-6

OSAGAIAK

• Azenarioa: 3.
• Ziazerbak: 200 g.
• Azalorea: 200 g sorta oso txikitan.
• Esne gaina: 600 ml.
• Arrautzak: 6 ale.
• Gatza..
• Arrautza, ogi birrindua: Moldea estaltzeko.

PRESTAKETA

• Azenarioa zuritu eta ur gazituan egosi 20 minutu inguru, bigundu arte. Iragazi eta dadotan moztu.
• Ziazerba garbitu ur hotzetan, handienei zuztar gogorrak kendu, eta egosi ur irakinetan 5 minutuz. Iragazi eta xukatu.
• Azalorea berriz, ur gazituetan egosi 18 minutuz eta iragazi.
• Ontzi estu batean azenarioa, 150ml esne gainarekin eta bi arrautzarekin jarri, irabiatu dena eta ondu.
• Berdina egingo dugu bakoitza bere aldetik, ziazerbarekin eta azalorearekin.
• Budinaren moldea gurinez eta ogi birrinduaz estali.
• Labea 160Cº-tan piztuko dugu.
• Jarri moldearen azpialdean azenario krema eta sartu labera maria bainuan 5 minutuz.
• Atera labetik moldea, koilara baten laguntzaz eta kontu handiarekin azenario kremaren gainean jarri ziazerba krema, eta sartu berriro labera beste 5 minutuz.
• Denbora hau pasatakoan, labetik atera eta gehitu hau ere kontu handiz azalore kremari.
• Estali aluminio paperarekin eta sartu labera.
• Egosten eduki bertan punta-zorrotza edo txotx garbia atera arte.
• Hozten utzi moldetik atera aurretik.

AHOLKUAK

• Txotxa edo labana moldean sartu eta garbia ateratzen bada, egina dagoela esan nahiko du.

• Errezeta hau edozein barazki motarekin egin dezakegu.