Sukaldaritza liburua/Errezetak/Hirugihar eta urdai pizza

URDAI ETA HIRUGIHAR PIZZA

MAHAIKIDEAK:4

OSAGAIAK

Pizza orea egiteko

• Indar erdiko irin zuria, integrala edo semola: 250 g.
• Gatza: 2 g.
• Ur epela: 125 ml.
• Olio oliba birjina: Koilarakada 1.
• Legamia: Okinarena, lehorra edo kimikoa: 5 g. Freskoa 10 g.
• Luzatzeko irina: 15 g.

Pizza estaltzeko

• Urtzeko gazta birrindua: 200 g.
• Tomate saltsa lodia: 100 ml.
• Urdai egosia: 150 g.karratuetan.
• Hirugihar ketua: 150 g. karratuetan.
• Oreganoa

PRESTAKETA

• Okin legamia ur epeletan eskuekin nahastu; kimikoa balitz, zuzenean irinari gehitu.
• Mahai batean edo pertz batean ( sukaldea gutxiago zikintzeko) irin eta gatzarekin sumendi bat egin, ura poliki poliki gehitzen joan eskuekin nahasten dugun bitartean.
• Ur dena gehitutakoan, ongi nahastu eta 10 minutuz landu, orea puskatuz, eskuetan itsasten ez den arte.
• Trapu busti batekin estali eta pausatu 15 minutu.
• Arrabola batekin edo eskuekin eta irin pittin baten laguntzaz orea zabalduko dugu, aukeratu dugun pizza moldea estaliz.
• Tomatea orearen gainean koilara batekin zabaldu.
• Segidan gaztaren erdia, urdaia, hirugiharra eta berriro gazta.
• Labean sartu 210ºC-tan 8-10 minutu.

AHOLKUAK

• Pizza estaltzeko osagaiak alda daitezke.