Sukaldaritza liburua/Errezetak/Hostore azkarra
HOSTORE AZKARRA
OSAGAIAK aldatu
PRESTAKETA aldatu
- Irina galbahetik pasatu.
- Gurina izozkailuan eduki eta 3cmx 3cmko dadotan moztu.
- Hotz dagoen gela eta mahai batean ( garai batean marmoletako mahaietan egiten zen ) irinarekin sumendi bat osatu. Jarri erdian: gatza, gantza eta uraren erdia.
- Behatz puntekin hasi poliki-poliki osagai guztiak bateratzen, eta lehortu ahala, ura gehiago gehitzen joan, ur gehiena gehitu arte. Oreak ez du ez gogorregia ez bigunegi geratu behar eta horretarako ur kantitatea zaindu egin beharko da.
- Orea 15 minutu inguruan landu kontu handiarekin, gantza gehiegi biguntzen utzi gabe.
- Lehen orea hau egina dugunean, pertz batean jarri zapi busti batekin edo plastiko gardenarekin estali, eta bere horretan izozkailuan 30 minutuan utzi.
- Hemen hasten da hostorea prestatzeko garaian, bueltak ematea deitzen zaion fasea. Kasu honetan, oreari 3 buelta bikoitz emango dizkiogu.
- Buelta bikoitzak: Ate bikoitzaren moduan tolestea, hau da, orearen erdi bakoitza
bere baitan eta ondoren bi erdiak ere berdin.
- Izozkailutik atera eta mahaiaren gainean, arrabolarekin bere luzera hirukoiztu egingo dugu.
- Tolestura bikoitza eman, estali, eta hozkailuan 10 minutuan eduki.
- Orea berriro arrabolarekin luzatu hirukoiztuz, bigarren kasu honetan ere tolestura bikoitza eman. Hozkailuan sartu, eta 10 minutu eduki.
- Berriro luzatu eta hirugarren tolestura bikoitza eman, utzi 10 minutu hozkailuan.
- Erabiltzeko garaian, zati bat hartu eta luzatu egingo dugu, zentimetro erdiko lodiera duten xaflak osatuz egosi aurretik.
AHOLKUAK aldatu
- Hostorea egiteko indar irin erdia edo 2/3 bat erabiltzea garrantzizkoa da, hau da, %9tik %11ra bitarteko proteina kopurua duten irinak. Irin ahula erabiltzeak luzatzea asko erraztuko du, baina ez da berdin altxatuko.
- Proteina kopuruaren baitan, ore honek ur gehiago edo gutxiago beharko du. Irina zenbat eta indartsuago izan, orduan eta ur gehiago beharko du.
- Koipea berriz, goxoena gurina erabiltzea bada ere, prestatzeko garaian zailtasunak ditu fusio tenperatura baxua duelako. Horregatik, gaur egun margarina bereziak saltsan izaten dira fusio tenperatura altuagoekin hostoreak errazago egiteko.
- Orea egiteko ura ahalik eta hotzen erabili eta prestaketa gela ere hotza egotea komeni da, baita luzatzeko mahaia ere. Berotasunak gurina bigundu eta luzatzea zaildu egiten du.
- Prestatu behar dugun hostore zatiaren tamainaren arabera, ohikoena 220ºC-200ºC-tan egostea izaten da.
- Gurin kopurua handiagoa edo txikiagoa izan daiteke.
- Gurina orean sartutakoan, ez da inoiz eskuekin oratu edo puskatu behar; bildu beharko bagenu, beti geruzak osatuz bezala egin beharko genuke.
- Hostorea luzatzean, gantza barruan ongi banatzen saiatu. Hori gainera, gantza gehiegi bigundu edo kanpora irten gabe egin behar da.
- Gurina kanpora ateratzen ikusiz gero, hurrengo buelta eman aurretik hozkailuan ongi hoztu.
- Ore bakoitzari buelta kopuru desberdinak eman daitezke, zenbat eta buelta gehiago eman, orduan eta gehiago altxatuko da orea labean. Baina buelta gehiegi emanez gero, geruza desberdinak batu eta ez litzateke altxatuko.
- Hostore orearekin, besteak beste, prestaketa hauek burutzen dira: Palmera, abanikoak, milorria, tatin tarta, bandak, wol-au-ventak....
- Palmera: Hostorea luzatu eta azukreztatu egiten da. Jarraian, bi aldeetatik biltzen joaten da, erdian elkartu arte. Estalki desberdinak jartzea badago.
- Abanikoa: Hostore fin bilduari abaniko forma eman eta egosten da. Azukrea eraman dezake, eta estalkiak ere bai.
- Milorri edo hostopila: Hostore xafla egosiak dira, eta tartean krema desberdinak jar daitezke.
- Tarta oinarri moduan.
- Tatin tarta: Frantziako sagar tarta ezagun bat dugu. Oinarrian hostorea izaten du.
- Banda: Hostore oinarria duen pastel karratu luzea da.
- Lazoak: Hostoreari tirak txirikordatu ondoren, lazo forma ematen zaio. Azukrea eraman dezake edo ez.
- Vol-au-venta: Betetzeko hostore opiltxoa dugu. Bi geruza hostore borobil moztu, eta bigarrenari, erdian, pasta mozteko txikiagoarekin markatu egingo da. Jarri lehen geruza, labeko erretilu batean eta margotu alboak uraz edo arrautza irabiatuz. Jarri gainean bigarren borobila.