Sukaldaritza liburua/Errezetak/Ilar budina

ILAR BUDINA

ilar budina

MAHAIKIDEAK:5-6

OSAGAIAK

• Ilar egosia: 500 g.
• Ogi birrindua eta gurina: Moldea estaltzeko.
• Porrua: 2 garbitu eta ilargi erdian.
• Tipula: 2 garbitu eta lerro erditan.
• Oliba olio birjina: 100 ml.
• Esne-gaina: 400 ml.
• Arrautza: 6.
• Gatza.

PRESTAKETA

• Ilarrak 12-15 minutuz ur irakinetan egosi, irabiagailutik eta txinatar iragazkitik pasa pure lodi bat lortuz.
• Labea 180Cº-tan piztu, budina egiteko ontzia gurina eta ogi xehatuarekin estali.
• Porrua eta tipula moztu eta olioarekin sutan jarri.
• Barazkia bigundu eta gorritzen hasten denean, esne gaina gehituko diogu.
• 5 minutuz elkarrekin irakin eta txinatar iragazkitik pasa.
• Beste ontzi batean arrautzak irabiatu, eta esne-gaina barazkiekin gehitu.
• Ilar purea gehitu ongi nahasi.
• Gatzatu eta budinaren ontzia bete.
• Aluminio paperarekin estali eta maria bainuan labera sartu.
• Ordubete inguruan bertan egosi muturzorrotza garbia atera arte.
• Labetik atera eta hozten utzi, moldetik atera aurretik.

AHOLKUAK

• Eginda dagoen jakiteko muturzorrotza edo txotxa sartu eta garbia atera beharko du.