Sukaldaritza liburua/Errezetak/Ogi erraza
OGI ERRAZA
MAHAIKIDEAK: 8
OSAGAIAK
aldatu- Ura: 330 ml.
- Okindegiko legami freskoa: 5.g., lehorra balitz 1,5 g.
- Okindegiko ogi glutenduna: 475 g.
- Irin osoa: 25 g.
- Gatza: 10 g.
PRESTAKETA
aldatu- 25ºC ingurutara jarri 100ml ur, eta bertan legamia desegin.
- Pertz baten irina sumendi moduko bat osatuz jarri, eta erdian beste osagaiak
- Esku batekin pertzari helduz eta bestearekin osagaiak nahastuz, ore likatsu bat bihurtu.
- Utzi bere horretan 5 minutuz.
- Ondoren oreari bere baitan buelta pare bat eman, eta film paperarekin estali.
- Sartu hozkailuko goiko aldean, eta bertan 24 ordutan eduki.
- Hurrengo egunean hozkailutik atera, eta mahai garbi baten gainean jarri.
- Irin pittin bat gehitu, eta kontu handiarekin buelta batzuk eman bere baitan oreari gehiegi landu eta puskatu gabe.
- Mahaian lauki luze moduko bat osatu, eta erditik moztu.
- Orearen zati bakoitzari alboetatik heldu eta bere baitan bihurritu, soka baten modura.
- Labeko papera duen erretilu baten gainean jarri bi barrak eta zapi busti batekin estali, utzi hartzitzen bi ordu.
- Piztu labea 250ºC-tan eta jarri erretilu metaliko bat labearen azpialdean.
- Bi ordu pasa ondoren, ogiak labera sartu eta saiatu barruan giro heze bat sortzen, azpiko erretilura ur pittin bat gehitzen edo esprai moduan ura zabalduz labean.
- 10 minutu pasa ondoren jaitsi labeko tenperatura 220ºC-tara, eta eduki bertan beste 25 minutu bertatik atera aurretik.
AHOLKUAK
aldatu- Ogi erraza esaten zaio oso denbora gutxian oratzen delako; denborak eta pausatzeak leuntzen du ore hau.
- Ogia lantzeko garaian, arropa eskuz garbituko bagenu bezala egin.
- Amaieran azala gogorragoa nahi badugu, labeko atea ireki eta ogia labe barruan utziko dugu epeldu arte.
- Zapore desberdina emateko, bihurritu aurretik, busti orea gainetik ur pittin batekin, eta zabaldu hazi desberdinak: kuia, sesamo, liho edo ekilorea gainetik.