Sukaldaritza liburua/Errezetak/Oinarrizko esne opil orea

OINARRIZKO ESNE OPIL OREA

Oinarrizko opil gozoa

OSAGAIAK

• Indar irina: 800 g.
• Irin ahula: 200 g.
• Legamia freskoa: 20, 50 g. bitarte.
• Ura: 100 ml.
• Azukrea: 200 g.
• Arrautzak: 4 .
• Esnea: 200 ml.
• Gatza: 15 g.
• Gurina: 200 g.

PRESTAKETA

• Legamia esne epeletan (22ºC) desegin.
• Oratzeko besoak dituen irabiagailu elektriko batean jarri gurina ez beste osagai guztiak, eta martxan jarri.
• Gorputza hartu duela eta ontzian ez dela itsasten ikusten dugunean, gurina zatika gehitzen joango gara.
• Orea ontziari itsastetik utzi arte, eta 24-26ºC-tara egon arte, landu behar da.
• Jarraian, estali eta utzi bere horretan denbora bat edo sartu berogailuan, 28-33ºC-tan orea hartzitzeko. Bere bolumenak bikoiztu egin beharko du.
• Moztu orea eta egin nahi dugun opilaren baitan forma desberdina eman ( borobila, trentza, obalatua…).
• Gozogintzako erretilu edo plantxetan jarri opilak eta berogailuan edo kanpoan tapatuta utzi bigarren hartzitzea ematen, orea tamainaz bikoiztu arte.
• Egosi 200-225ºC-tan.
• Opilak kremaz eta esne-gain harrotuaz bete daitezke.

AHOLKUAK

• Forma desberdina emanez, oinarrizko esnetako opil ugari prestatzeko erabiltzen da.
• Oratzea eskuz egin nahi izanez gero, irinarekin bi sumendi egin daitezke; batean, gurina ez beste osagai guztiak jarri; eta, bestean, gurina bakarrik. Bi oreak landu ondoren, elkartu.
• Bigarren hartzitzea pasa ondoren, ahalik eta azkarren egosi behar dira, ez lehortzeko.