Sukaldaritza liburua/Errezetak/Onddo risottoa

ONDDOZKO RISOTTOA

MAHAIKIDEAK: 6

OSAGAIAK

• Oliba olio birjina: 100 ml.
• Onddoa: 900 g. garbitu eta zatitu.
• Tipulina: 2 xehatu.
• Baratxuria: 2 xehatu.
• Arroza: 500 g. garbitu.
• Salda edo ur gatzatua. 1300 ml.-1500 ml.
• Gazta birrindua: 30 g.
• Esne-gaina: 50 ml.
• Perrexil xehatu.

PRESTAKETA

• Kazola bat sutan jarri olioarekin eta onddo gatzatuak su bizian salteatu minutu batzuetan. Onddoak kazolatik atera.
• Kazola horretan bertan tipula sueztitu lehenik eta erdi egina dagoenean baratxuria gehitu. Gorritutakoan, onddoak eta arroza nahasi.
• Dena elkarrekin sutan, salda poliki poliki gehitu arrozak behar duen arabera.
• 18 minutuz egosi.
• Sutatik atera, gazta eta esne-gaina gehituko dizkiogu nahastuz.
• Risottoa krematsu dugunean, perrexila gehituko diogu.

AHOLKUAK

• Risottoa prestatzen dugun eran, helburua arrozari fekula ateratzea da eta krematsua gelditzea. Horretarako tarteka eragin beharra dago eta salda poliki poliki gehitu behar diogu.
• Onddoarekin bezala beste edozein osagairekin egin daiteke.
• Risottoa ere egin berria jan beharra dago, hozten utziko bagenu, bloke baten moduan geratuko litzateke.