Sukaldaritza liburua/Errezetak/Patatak errioxar erara

PATATAK ERRIOXAR ERARA

MAHAIKIDEAK: 4

OSAGAIAK

• Piper txorizeroa: 2 hidratatu, zuritu eta mamia xehatua.
• Tipula: 1 dadotan.
• Piper berde italiarra: 1 dadotan.
• Oliba olio birjina: 50 ml.
• Txorizo freskoa: 400 g. zatitu.
• Tomate birrindua: 100 ml.
• Patata: 1500 g., zuritu eta kraskatu.
• Gatza.
• Piperrauts gazi eta gozoa.

PRESTAKETA

• Bezperatik piper txorizeroak uretan hazirik gabe eta beratzen jarri. Beste aukera bat da momentuan 5 minutuz egostea. Piper txorizeroaren mamia bereizi eta xehatu.
• Tipula eta piper berdea kazola batean olioarekin su eztian erregosi.
• Ondo goxatutakoan txorizoa gehitu eta eduki 5 minutuz, zu ertainean.
• Erretiratu soberako koipea eta gehitu, tomate birrindua eta piper txorizeroa.
• Sutan jarri eta pittin bat lehortu, patatak gehitu eta urarekin busti.
• Egosi 30 minutu inguru patata ongi bigundu arte.
• Amaieran gatz eta piperrautsarekin ondu.

AHOLKUAK

• Gaur egun txorizo fresko batzuek koipe asko dute, kazolara gehitu aurretik aparte salteatu eta koipe hori kentzea aukera bat da.
• Saltsa lodiagoa nahi izanez gero, patata denbora gehiagoan egos genezake edo sardexka batekin batzuk puskatu.