Sukaldaritza liburua/Errezetak/Piko piper konfitatua

PIKILLO PIPER KONFITATUA

MAHAIKIDEAK: 4

OSAGAIAK

• Oliba olio birjina: 400ml.
• Piko edo pikillo piper zuritu: 16 edo 32.
• Gatz lorea.

PRESTAKETAK

• Kazola zabal batean jarri oliba olioa su baxuan.
• Murgildu olio honetan piperrak eta eduki modu honetara 30 minutu.
• Kontu handiarekin buelta eman eta beste 30 minutuz konfitatu.
• Piperrak bertatik kontu handiarekin atera, erraz puskatzen baitira.
• Platerean jarri eta gatzarekin ondu.

AHOLKUAK

• Nafarroakoak ditugu gure lurreko piperrik gozoenak, bertako Pikillo, Piko edo Naxerano motak erabil ditzakegu modu honetan prestatzeko.
• Kontu handiarekin buelta eman, eta sardexkarekin zulatu gabe buelta eman, puska ez dadin.
• Denbora gehiagoan ere konfita dezakegu, baina betiere oso su baxuan eginez gero.
• Sobratutako olioak berriro piperrak egiteko edo beste prestaketa batzuetarako balioko digu.