Sukaldaritza liburua/Errezetak/Porru krema

PORRU KREMA

MAHAIKIDEAK 4-6

OSAGAIAK

• Oliba olio birjina. 100 ml.
• Baratxuria: 2 xerratu.
• Tipula: 1 dadotan.
• Porrua: 4 dadotan.
• Patata: 1 dadotan.
• Ardo zuria: 100 ml.
• Barazki salda, haragi salda edo ura.
• Gatza.
• Piperbeltza.

PRESTAKETA

• Kazola batean olioa baratxuriarekin sutan jarri, gorritzen hasitakoan gehitu tipula eta porrua eta elkarrekin erregosten utzi.
• Ondo goxatutakoan, ardo zuriaz busti, utzi murrizten eta patata gehitu.
• Saldarekin estali eta egosi 25 minutuz.
• Irabiagailutik pasa, krema fin bat lortu arte.
• Krema dentsitatea sortzeko salda gehiago beharko balu, gehitu.
• Irakinaldi bat eman eta ondu.
• Nahi izatera zartagin batean eta olio beroarekin ogi mami edo urdaiazpiko zatiak frijitu. Horiek kremaren gainean jarri.

AHOLKUAK

• Sukaldari askok amaieran esne gain zurrusta bat gehitzen diote. Hori bakoitzaren aukeran uzten dut.
• Behin hoztuta, beti maria bainuan edo mikrouhin labean berotu beharko dugu.