Sukaldaritza liburua/Errezetak/Txibi frijituak

TXIPIROI EDO TXIBI FRIJITUAK

Txibi frijitua

MAHAIKIDEAK: 4

OSAGAIAK

• Txibiak edo txipiroia: Garbituak azala kendu gabe eta uztaietan: 600 g.
• Irina edo ogi birrindua: Txipiroiak estaltzeko.
• Oliba edo ekilore olioa: Frijitzeko.
• Baratxuria: 4 .

PRESTAKETA

• Txipiroiak gatzatu eta irinetan edo ogi birrinduan pasa.
• Baratxuriak azal eta guzi eskuekin kolpatu eta zartagin zabal batean oliotan jarri.
• Sua piztu eta utzi baratxuria su erdian bertan.
• Olioa ondo berotutakoan atera baratxuriak, sua bizitu eta sartu txipiroiak.
• Frijitu denbora laburrean kolorea hartu arte.
• Paper xurgatzailea duen ontzi batera atera.

AHOLKUAK

• Txipiroiak edo txibiak zenbat eta handiagoak izan orduan eta uztai finagoak moztuko ditugu.
• Txipiroiak frijitzean ez dugu inoiz batera asko egingo olioaren tenperatura asko gutxitu ez dadin.