Sukaldaritza liburua/Errezetak/Udarea ardotan

UDAREA ARDOTAN

MAHAIKIDEAK: 4

OSAGAIAK

• Sagarrak edo udarea: 8.
• Azukre beltza edo zuria: 100-150 g.
• Ardo beltza edo zuria: 1 l.
• Ura: 1 l.
• Kanela zotza: 1/2.

PRESTAKETA

• Garbitu ongi frutak eta zuritu.
• Sartu frutak kazola batean.
• Zabaldu gainetik lehenik azukrea, ardoa, ura eta kanela.
• Jarri sutan eta irakin udareak ongi bigundu arte.
• Orduan, lortu nahi dugun saldaren dentsitatearen arabera, bere horretan utzi hozten edo udareak erretiratu eta salda irakiten eduki, guk nahi dugun dentsitatea eman arte.
• Momentu horretan, sartu berriro udareak saltsan, eta utzi hozten.
• Saltsa karamelizatzen uzten badugu, zuzenean zerbitzatu egingo dugu.

AHOLKUAK

• Aukeratutako fruta motaren arabera, egosten denbora gehiago edo gutxiago egon beharko dute.
• Normalean, ardotan prestatzeko udare gogorrak aukeratzen dira, hots, negukoak.