Sukaldaritza liburua/Errezetak/Untxi Karlota
UNTXI KARLOTA EDO CHARLOTA
MAHIKIDEAK:4
OSAGAIAK
aldatu- Untxia saltsan prestatutakoaren haragia: 1.
- Kuiatxoa: 1 luzean xerra oso finetan.
- Oliba olio birjina: 100 ml.
- Baratxuria: 2 ale xerretan.
- Tipula: 1 dadotan.
- Azenarioa: 1 dadotan.
- Pipermorro gorria: 1/2 dadotan.
- Barrengorri salteatuak: 200 g.
PRESTAKETA
aldatu- Untxi erregosi, haragia eta hezurra banandu eta karratuetan moztu.
- Moztu kuiatxoa labana zorrotz batekin edo horretarako gailuarekin, luzeran xerra finetan. Zabaldu erretilu batean, gazitu eta utzi minutu batzuetan bere horretan.
- Pasa kuiatxo xerra horiek zartagin batetik olio pittin batekin minutu bat alde bakoitzetik, kuiatxoak bigundu arte.
- Aparteko zartagin bat jarri sutan olioarekin eta erregosi barazkiak, gehitu untxiaren saltsa pittin bat eta ondu.
- Hirugarren zartagin batean, salteatu barrengorriak.
- Karlotak prestatzeko molde indibidualak margotu olioarekin eta estali kuiatxo xerrekin, bete ondoren estaltzeko aukera utziz.
- Moldearen barruan tartekatu, barazkiak, untxi haragia eta txanpiñoiak.
- Itxi moldea kuiatxoarekin eta utzi hozten.
- Labean berotu dezakegu, momentuan moldetik atera eta azpian untxi saltsa jarri.
AHOLKUAK
aldatu- Barazkiei irin pittin bat gehitu dakieke betegarriak gorputz gehiago izateko. Molde indibidualean ez da beharrezkoa, betegarria ondo estutzen badugu.
- Aldiz, molde handiagoa balitz eta errazioetan moztu beharko bagenu, irina gehitu beharko genioke betegarriari.