Sukaldaritza liburua/Errezetak/Zerbak azenario eta patatekin

ZERBAK AZENARIO ETA PATATEKIN

OSAGAIAK

• Zerbak: Sorta 1.
• Azenarioa: 3 dadotan.
• Patata: 400 g. dadotan.
• Oliba olio birjina: 100 ml.
• Baratxuria: 4 xerratu.
• Zerba salda: 50 ml.
• Gatza.

PRESTAKETA

• Zerbak ur hotzetan ongi garbitu. Zurtoinak eta hostoak banandu. Zurtoinei hariak kendu eta zabalean zerrenda finetan moztu. Hostoak berriz garbitu ondoren ere zabalean zerrendetan moztu.
• Kazola bat ur ugarirekin sutan jarri, ura irakiten hasitakoan, zerbaren zurtoinak eta azenarioa gehitu eta 5 minutura patata.10 minutura zerbaren hostoak, 15 minutura berriz sua itzali eta iragazi, 100 ml. salda gorde.
• Beste kazola batean baratxuriak xerraturik olioarekin sutan jarri eta gorritzen hasitakoan, barazkiak eta zerba salda gehitu, 5 minutuz elkarrekin egosi eta puntuan jarri.

Zerbak

AHOLKUAK

• Kontuz denborekin eta bereziki patatarekin gehiegi egosiz gero, desegiteko arriskua baitago.
• Patataren egosketa denbora hobeto kontrolatu nahiko bagenu, aparteko kazola batean egin dezakegu.