Sukaldaritza liburua/Errezetak/Ziazerba tortilla

ZIAZERBA TORTILLA

Ziazerba tortilla

MAHAIKIDEAK: 4

OSAGAIAK

• Ziazerba: 400 g.
• Gatza.
• Oliba olio birjina: 100 ml.
• Tipula: 1 xehatu.
• Arrautza: 8.

PRESTAKETA

Zartagin

• Ziazerbak ur hotz ugaritan ondo garbitu, handienei kendu zuztarra.
• Ondoren egosi 5 minutuz, gazitutako uretan.
• Iragazi, xukatu eta labanarekin xehatu eta gorde.
• Zartagin batean, tipula oliba olioarekin sutan jarri goxatzen.
• Tipulak, karamelizatzen hasitakoan, gehitu ziazerba eta batera minutu pare batez su baxuan kozinatu.
• Pertz batean irabiatu arrautzak, gehitu ziazerbak eta ondu, ongi nahasiz.
• Beste zartagin bat olio pitin batekin sutan jarri, ondo beroturik dugunean, nahaskia gehitu eta bertan tortilla egin. Kontu izan gehiegi lehortu gabe.
• Tortilla honi forma zapala edo bildua eman diezaiokegu.

AHOLKUAK

• Kontu izan ziazerbak denbora gehiegi egosi gabe, bestela kolorea asko galtzen du.
• Tortillak ur gehiegi izan ez dezan, ziazerba ongi xukatu behar da egosi ondoren.