Sukaldaritza liburua/Errezetak/Azpizuna plantxan ahate gibelarekin

AZPIZUNA PLANTXAN AHATE GIBELAREKIN

MAHAIKIDEAK: 4

OSAGAIAK

Azpizun xerra lodiak: 200 g.-ko 4 xerra.
Ahate gibela: 100 g.-ko 4 xerra.
Gatza.
Oliba olio birjina.
Maldon gatza.
Patata purea: 200 g.

PRESTAKETAK

Azpizuna eta ahate gibela hozkailutik garaiz atera, epel dadin.
Erretilu batean biak pitin bat gatzatu.
2 Zartagin , sutan jarri olio tanta batekin.
Haragiak gatzarekin ondu ondoren, jarri zartagin beroan.
Azpizuna gorritu alde guztietatik eta guk aukeratutako puntua ( haragia puntuan egoten da haren erdia 57-58ºC-tan dagoenean) bilatu arte.
Ahate gibela berriz azkar egingo da bi aldetatik gorritzea nahiko izango da.
Erretilu batera atera biak eta jarri eta maldon gatz pitin bat gainetik.
Platera muntatzeko jarri azpian patata pure arina, gainean azpizuna eta honen gainean azkenik ahate gibela.
Nahi izatera, azpizuneko zartaginean itsatsita geratu den zukua berreskuratu daiteke saltsa haragi saltsa bat eginez.
Horretarako, ura, salda ilun edo ardoarekin, berreskuratu itsatsita geratu den zukua. Iragazi ondoren arto irin finduarekin saltsa dentsitatea eman.
Saltsa hau plater alboetan zabalduko dugu.

AHOLKUAK

Patata purea, onddo erregosiak, ilarrak urdaiazpikoarekin, ahate gibela eta barazkiak izan ohi dira, hornigai tradizionalak, baina gaur egun mila hornigai desberdinekin zerbitzatzen da, entsalada, pasta.....

Tournedos rossini eran edo piperbeltz berdearen saltsan.... azpizuna jateko modu ugari dira.

Haragiaren puntuak plantxan.

Gutxi eginiko haragia: Haragia plantxan edo parrilan jarri eta odola azalera azaldu baino lehenago buelta eman. Beste aldean berdina egin. Kanpoaldetik zarakar gorritua eta barrutik haragia guztiz gorria. Haragiaren erdian 53-54ºC tenperatura izan behar du. Haragia modu honetan jan nahi badugu, ezinbestekoa da aldez aurretik giro tenperaturan edukitzea.

Puntuan eginiko haragiak: 57-58ºC. Haragia lodiagoa edo finagoa plantxa beroan jarriko dugu eta odola kanpora azaltzen hasi orduko, buelta emango diogu. Buelta emanda, denbora gutxiagoan egingo dugu. Haragia kanpotik zigilatuta geratuko da eta barrutik arrosa.

Ondo eginiko haragiak: Haragia plantxan edo parrilan jarri eta odola azalera ongi ateratzen denean, buelta eman. Hemen berriro gauza bera egingo dugu. Haragiaren erdian 62-63ºC izan behar du.

Oso ondo eginiko haragiak: Haragia plantxan edo parrilan jarri eta odola azalera ongi ateratzen utzi; buelta eman. Hemen berriro ere odola ongi ateratzen utzi. Haragiaren erdian 70ºC izan behar du.