Sukaldaritza liburua/Errezetak/Bakailaoa bizkaitar erara
- BAKAILAOA BIZKAITAR ERARA
MAHAIKIDEAK: 4
OSAGAIAK
aldatu- Oliba olio birjina: 100 ml.
- Baratxuria: 2 xerratu.
- Pipermin lehorra: Xerra 1.
- Tipula gorria: 1 kg lerrotan.
- Piper txorizeroa: 12 beratu eta mamia xehatu.
- Tomatea naturala: Birrindua 100 ml.
- Ogi txigortua: 2 xerra.
- Bakailao gezatua: 1 kg. 4 zatitan.
- Salda zuria: 200 ml.
- Gatza.
PRESTAKETA
aldatu- Bezperatik piper txorizeroa txorten eta hazirik gabe ur epeletan beratzen jarri edo 5 minutuz egosi. Muturzorrotza erabiliz mamia karrakatuz kendu, xehatu eta gorde.
- Kazola zabal batean olioa baratxuri eta piperminarekin jarri su eztian. Baratxuria kolorea hartzen hasitakoan, pipermina kendu eta tipula gehitu, sua gutxitu eta kozinatu barazkia.
- Tipula konfitaturik dugunean, piper txorizeroaren mamia, tomate birrindua, ogi txigortua eta salda gehitu eta 40 minutuz su baxuan kozinatzen eduki.
- Puregailua xehenetik lehenik , eta txinatar iragazkitik pasa ondoren.
- Saltsa sutan jarri eta bertan bakailao zatiak sartu.
- Egosi su oso baxuan, 5 minutu inguru alde bakoitzetik. Beharko balu, gatzarekin ondu.
AHOLKUAK
aldatu- Saltsa irabiagailutik pasako bagenu, kolorea asko galduko luke. Beraz, kolorea mantentzeko puregailutik pasatzea egokiagoa da.
- Bakailaoa gezatu ondoren beti ongi lehortu behar da, bestela oso urtsua gera daiteke.
- Bakailao gezatuetan gatza gehitu aurretik beti probatu, askotan ez bai du gatzik behar izaten.
- Gaur egun errezeta honi gehigarri edo ongailu desberdinak eransten zaizkio: hirugiharra, gailetak..