Sukaldaritza liburua/Errezetak/Brokolia patatekin

BROKOLIA OLIO ERRE ETA PATATEKIN

Brokolia patatekin

MAHAIKIDEAK: 4.

OSAGAIAK

• Brokolia: 1 eta 1/2, garbitu eta sailetan.
• Patatak: 2 kraskatu.
• Gatza.
• Oliba olio birjina: 100 ml.
• Baratxuria: 4 xerratu.

PRESTAKETA

• Moztu brokolia sail txikietan eta hotzetan garbitu.
• Jarri kazola bat gatz-ur ugarirekin, eta sartu bertara patatak.
• Ura irakiten hasi eta 5 minutura gehitu brokolia eta egosi 8-10 minutuz.
• Bitsadera baten laguntzaz, atera bertatik kontu handiz eta zabaldu erretilu batean.
• Zartagin batean jarri olioa eta bero dagoenean gehitu baratxuria, kolorea hartutakoan zabaldu barazkiaren gainetik.
• Jaso erretilu azpian geratutako salda eta gehitu berriz barazkien gainetik.

OHARRAK

• Kontu handia izan gehiegi ez egostearekin, bestela barazkia desegin daiteke.
• Inoiz ez irauli barazkia, bestela desegingo da.
• Maionesa saltsarekin ere oso gozoa geratzen da.