Sukaldaritza liburua/Errezetak/Haragi enpanadilla

HARAGI ENPANADILLA

OSAGAIAK

Orea egiteko osagaiak

• Indar erdiko irin zuria: 300 g.
• Gurina: 100 g.
• Ura: 260 g.
• Gatza: Pitin bat.

Betegaia egiteko osagaiak

• Oliba olio birjina: 50 m.
• Tipula: 1 xehatu.
• Piper berde italiarra: Erdia xehatu.
• Haragi birrindua: 100 g.
• Tomate saltsa: 50 ml.
• Arrautza egosia: 1.
• Gatza.

PRESTAKETA

• Kazola batean gurina eta ura sutan jarri.
• Urturik dugunean epeltzen utzi eta gehitu irina eta gatza.
• Nahasi espatula batekin ongi bateratu bitartean utzi zapi busti batekin bere horretan 15 minutu.
• Zartagin batean jarri olioa, tipula eta piper berdea sutan, gorritzen hasitakoan gehitu haragi birrindua eta sardexka batekin zapaltzen dugun bitartean erregosi.
• Gehitu tomatea eta eduki beste 5 minutuz dena ongi bateratzen.
• Ondu, gatz eta piper hautsarekin.
• Orea arrabola eta irin apur baten laguntzaz zabaldu.
• Molde txiki edo baso borobil baten laguntzaz moztu aurrez zabaldu dugun orea errazioetan.
• Jarri horien erdian koilara batekin betegarria.
• Margotu ur pitin batekin alboak.
• Orearen erdiarekin estali beste erdia eta behatzen edo sardexka baten laguntzaz zapaldu izkin guztia.
• Olio ugari duen zartagin batean frijitu eta ongi xurgatu olioa.

AHOLKUAK

• Frijitu beharrean labean ere egin daitezke, modu honetan olio gutxiago izango du.
• Tomate frijituarekin zerbitzatzea ohiko da.
• Enpanadillak mota desberdinak presta litezke, bestelako betegaia edo fartsak erabiliz.
• Betegaiak lehorrak egon behar du, hezetasuna kanpora atera ez dadin.