Sukaldaritza liburua/Errezetak/Indioilar izter errea

INDIOILAR IZTER ERREA HORNIGAIEKIN

MAHAIKIDEAK: 4

OSAGAIAK

• Indioilar izterra : 4.
• Piperbeltza.
• Gatza.
• Oliba olio birjina: 50 ml.
• Baratxuria: 8 osoak azal eta guzi.
• Patata txiki: 4.
• Ardo zuria: 50 ml.
• Salda zuria edo ura: 200 ml.
• Arto irin findua. 20 g.
• Sagar purea: 4 koilarakada.

PRESTAKETAK

• Indioilar izterra ondu gatz eta piper hautsarekin eta utzi bere horretan 5 minutuan.
• Piztu labea 200ºC-tan.
• Estali izterra olio tanta batekin eta jarri labeko erretilu batean baratxuri oso eta patatekin. Busti ardo zuriarekin.
• Erre labean 20 minutu inguru, haragia barrutik ongi egin arte eta kanpotik kolorea hartu arte.
• Labetik atera erretilua eta izterra, patatak eta baratxuriak erretiratu.
• Labeko erretiluan itsatsita dagoena zukua saltsa bihurtzeko berriz, lehenik, soberako koipea kendu eta ondoren haragi saldarekin busti.
• Espatula baten laguntzaz, erretiluan itsatsita dagoena arraskatu, saldarekin nahastuz. Iragazi salda hau kazola txiki batera.
• Ur hotz apur batean disolbatu arto irin findua.
• Hegazti salda irakiten jarri, eta arto irin disolbatua gehitu, hagatxoarekin mugitzen dugun bitartean, saltsa dentsitatea emanez.
• Indioilar izterra bere saltsa, sagar purea, patata errea eta baratxuriarekin aurkeztuko dugu.

AHOLKUAK

• Indioilarra izterraren tamainaren arabera, labeko tenperatura eta denbora alda daitezke.
• Beste edozein hornigaiekin lagundu dezakegu. Entsalada, patata gorrituak....