Sukaldaritza liburua/Errezetak/Lekale entsalada
LEKALE ENTSALADA
MAHAIKIDEAK: 4
OSAGAIAK
aldatu- Letxuga eta hosto mota desberdinak: 2 eskukada, garbitu, lehortu eta zatitua.
- Babarrun gorri egosi: 200 g. xukatu.
- Garbantzu egosi: 200 g. xukatu.
- Dilista egosi: 200 g. xukatu
- Kuia hazi zuritu: 50 g.
- Sesamo hazi txigortu: 50 g.
- Tomate naturala: 1, zuritu, hazirik gabe eta dadotan.
- Martorria: Sorta txiki 1 xehatu.
- Oliba olio birjina: 75 ml.
- Jerezko ozpina: 20 ml.
- Gatza.
- Piperbeltza.
PRESTAKETAK
aldatu- Katilu batean nahastu olioa, ozpina, piperbeltza eta gatza.
- Pertz batean letxugak jarri eta ozpin olio pittin bat gehitu.
- Esku garbiekin mugituz, blaitu letxuga hostoak eta plater azpian jarri.
- Koilara baten laguntzaz, letxuga hauen gainean banatu, lekaleak, kuia eta sesamo haziak, tomatea eta martorria
- Ozpin-olioarekin hari bat eginez, gainetik zabaldu.
AHOLKUAK
aldatu- Gordinik jan behar diren letxugak aldez aurretik ongi desinfektatu, garbitu eta lehortu behar izaten dira. Desinfektatzeko lixiba bereziak likidoan edo pastillan saltzen dira. Horretarako saltzaileak adierazitako ur kantitatean dagozkion tantak edo pastillak bota ondoren, letxugak bertan murgiltzen dira. Dagokion denbora pasa ondoren, urberritzen dira eta azkenik lehortu.
- Entsalada hauek ontzeko ozpin-olioa, saltsa arrosa, jogurt saltsa, esne-gain garratza edo beste edozein saltsa erabil dezakegu.
- Gogoratu azken momentuan ondu behar dela. Eta kontu izan gehiegi blaitu gabe, ez da zergaitik ozpin-olio guzia erabili behar.