Sukaldaritza liburua/Errezetak/Panettone opila
PANETTONE OPILA
OSAGAIAK
aldatu- Indar irina: 500 g. bahetua.
- Esnea: 150 ml.
- Gatza: 5 g.
- Ama orea: 100 g.
- Azukrea: 140 g.
- Eztia: 10 g.
- Arrautza:2 edo 85 g.
- Gurina: 125 g.
- Laranja azal birrindua: Pitin bat.
- Fruta azukreztatua: 10 g.
- Mahaspasa: 10 g.
- Rona: 10 ml.
PRESTAKETA
aldatu- Moztu fruta azukreztatua eta eduki pasak ronetan beratzen.
- Irabiagailu elektriko batean eta oratze besoekin jarri pomada puntuan gurina, eta gehitu osagai guztiak, epelak, frutak eta rona izan ezik.
- Ondo landu, ore fin eta elastiko bat lortu arte. 22-24ºC-tan egon behar du.
- Estali eta utzi ordu betez 28-33ºC-tara hartzitzen.
- Orea mahai batera atera, eta pitin bat bere baitan oratu, airea kapsula handienak kenduz, fruta azukreztatua eta pasak gehitzen dizkiogun bitartean.
- Bete labeko paperarekin estalitako moldeak 1/3 bat, eta utzi bigarren hartzitzea ematen. Bigarren hartzitze horretan, oreak hirukoiztu egin beharko du.
- Labean egosi 180ºC-tara 30-35 minutu.
AHOLKUAK
aldatu- Jatorri italiarra duen ogi gozoa bezala defini dezakegu.
- Hartzitze denbora giroko tenperaturak eta legamia kopuruak baldintzatuko dute.
- Hartzitzeak berogailuan gertatzen badira, askoz gehiago kontrola daiteke.
- Oratzea eskuz egin nahi izanez gero, irinarekin bi sumendi egin; batean, gurina ez beste osagaiak jarri, eta bestean, gurina bakarrik. Bi oreak landu ondoren, elkartu.
- Bigarren hartzitzea pasa ondoren, ahalik eta azkarren egosi behar dira, ez lehortzeko.