Sukaldaritza liburua/Errezetak/Patatak saltsa berdean

PATATAK SALTSA BERDEAN

Patatak saltsa berdean

MAHAIKIDEAK: 4

OSAGAIAK

• Baratxuria: 2 xehatu.
• Perrexila: Sorta txiki 1 xehatu.
• Oliba olio birjina: 50 ml.
• Irina: 25 g.
• Ardo zuria: 100 ml.
• Arrai salda, salda zuria edo ura: 500 ml.
• Patata: 500 g zentimetroko xerretan.
• Gatza.

PRESTAKETA

• Perrexilaren erdia, baratxuria eta olioa kazola batean su motelean jarri.
• Baratxuriak dantzan hasten direnean, irina gehitu.
• Nahasi ondoren, ardo zuria lehenik eta saldarekin ondoren busti, hagatxoarekin nahasten dugun bitartean.
• Salda irakin, eta patatak gehitu.
• Utzi egosten patata ondo bigundu arte.
• Amaitzeko perrexilaren beste erdia gehitu eta puntuan jarri.

AHOLKUAK

• Errezeta honek beti izan du tipula ematen duen edo ez eztabaida. Bakoitzak gustuko duen moduan presta dezala.
• Patata hauek bere horretan jan daitezke edo arrai zatiak bertan sartuz kozinatu ditzakegu, legatza, bakailaoa edo hauen masailak, arrain zabala, katuarraina..... adibidez.
• Ura edo salda eta zein salda? Saltsa zertarako erabiliko dugun. Legatza saltsa berdean muxilekin egiteko bada, ura erabilita nahiko; orburuak muxilekin egiteko bada, haragi edo barazki salda....