Sukaldaritza liburua/Errezetak/Piperrada
PIPERRADA
MAHAIKIDEAK: 4
OSAGAIAK
aldatu- Piper txorizeroa: 2.
- Oliba olio birjina: 100 ml
- Baratxuria: 2 xerretan.
- Tipula: 1 lerrotan.
- Pipermorro gorria: 1 lerrotan.
- Piper berdea: 2 lerrotan.
- Tomate saltsa edo tomate birrindua: 200 ml.
- Gatza.
- Azukrea.
PRESTAKETAK
aldatu- Kendu piper txorizeroari txortena eta haziak; ondoren jarri ur epeletan bezperatik hidratatzen. Beste aukera bat da, txortena eta haziak kenduta, 5 minutuan egosi eta bere horretan epeltzen uztea.
- Piper txorizeroak hidrataturik daudenean, ohol baten gainean jarri eta punta-zorrotzarekin arraskatuz, banandu azala eta mamia. Azala bota, mamia xehatu eta gorde.
- Kazola zabal batean jarri olioa baratxuriarekin su ertainean.
- Gorritzen hasitakoan, gehitu tipula, pipermorroa eta piper berdea.
- Gatz pittin batekin ondu eta erregosi, barazkiak gorritzen hasi arte.
- Momentu horretan tomate saltsa eta piper txorizeroak gehitu eta utzi su baxuan ongi konfitatzen.
- Amaieran probatu, eta gatzarekin eta azukrearekin ondu.
AHOLKUAK
aldatu- Piper eta tomateetan azukrea gehiegizko azido zaporea kentzeko erabiltzen da.
- Osagai guztiak ongi erregosi eta konfitatzea garrantzizkoa da.