Sukaldaritza liburua/Errezetak/Txitxarroa labean

TXITXARROA LABEAN

MAHAIKIDEAK: 2 .

OSAGAIAK

• Txitxarroa: 1, 800 g. ingurukoa, garbitua.
• Gatza.
• Oliba olio birjina. 80 ml.
• Ozpina: Zurrusta motz 1.
• Baratxuria: 2 xerratu.
• Pipermin lehorra: Xerra 1.
• Perrexila: Sorta txiki 1 xehatu.

PRESTAKETA

• Lehenik, labea 210Cº tan jarri.
• Txitxarroa gatzatu eta olio pittin batekin margotu. Erretilu batean labera sartu eta 15 bat minutuan erre.
• Burua puskatzen hasia dela ikusten dugunean, labetik atera. Isatsetik hasita, labana baten laguntzaz erditik zabaldu.
• Bizkar hezurra erretiratu.
• Gainetik, lehenik, ozpina eta perrexila bota; ondoren, baratxuri eta piperminarekin eginiko olio errea zabaldu.
• Erretiluaren azpialdean dugun salda berriro zartaginean bildu eta sutatik kanpo ongi bateratu, ondoren arrainaren gainetik zabaldu.

AHOLKUAK

• Perrexila botatzea aukerakoa izango da. Sukaldari ugarik ez dio botatzen.
• Patata panadera, patata egosia edo patata erregosia erabil dezakegu hornigai moduan.