Sukaldaritza liburua/Errezetak/Alberjinia betea piper saltsarekin

ALBERJINIA BETEAK PIPER SALTSAREKIN

Urdaiazpiko eta gaztaz beteriko alberjiniak

MAHAIKIDEAK: 4.

OSAGAIAK

• Alberjinia: 1 xerretan.
• Urdai egosia: 150 g. xerretan.
• Gazta barra: 150 g. xerretan.
• Arrautza eta irina: Arrautzaztatuak.
• Piper saltsa: 400 ml.
• Ekilore olioa: Alberjinia beteak frijitzeko.

PRESTAKETA

• Alberjinia xerra finetan moztu. Erretilu batean zabaldu ondoren, gatzatu eta bere horretan minutu batzuetan utzi.
• Alberjiniaren erdian urdaia eta gazta zatitua jarri eta barazkiaren beste xerra batekin estali.
• Irin eta arrautzetan pasatu eta frijitu olio ugaritan. Paper xurgatzailea duen ontzi batera atera.
• Beste alde batetik piper saltsa burutu.
• Amaitzeko plateraren azpian piper saltsa zabaldu eta honen gainean barazki frijituak jarri.

OHARRAK

• Alberjiniak xerra finetan  mozteko labain zorrotza edo horretarako erabiltzen den mandolina beharko dugu.
• Betegaia beste edozeinengatik alda daiteke.