Sukaldaritza liburua/Errezetak/Baserriko oilasko errea

BASERRIKO OILASKO ERREA Oilazko izter erreak.jpg

Baserriko oilasko errearen izterrak

MAHAIKIDEAK: 4

OSAGAIAK

• Baserriko oilaskoa: 1400 g. inguruko oilasko garbia.
• Oliba olioa birjina: 50 ml.
• Gatza.
• Ardo zuria: 100 ml.
• Limoia: 1 erdibitua.
• Hegazti salda zuria. 400 ml.

PRESTAKETAK

• Oilaskoari luma handienak eskuekin kendu, eta lumatxak sutan erre.
• Garbitu ur hotzetan eta lehortu.
• Oliba olioarekin igurtzi eta gazitu kanpotik eta barrutik; sartu barruan limoi erdibitua.
• Labeko erretilu batean, oilaskoa bularra beherantz duela jarri. Ardoarekin eta saldaren erdiarekin busti.
• Piztu labea 180ºC-tan eta sartu bertara oilaskoa.
• Erre  oilaskoa 20 minutuz, tarteka, erretilu azpiko saldarekin bustiz.
• Momentu honetan, oilaskoari buelta eman, eta jarraitu momenturo bustitzen oilaskoa gainetik.
• Oilaskoaren tamainaren arabera, 40-50 minutu inguru beharko ditu erretzeko.
• Atera  labetik, eta  oilaskoa  beste erretilu batera pasa.
• Labeko erretilu horri koipea kendu lehenik,  ondoren salda pittin bat  eta oilasko barruan dauden limoiaren zukua gehitu. 
• Espatula batekin erretiluaren azpi aldea arraskatu. Sortutako salda hori iragazirik oilaskoa bustitzeko erabili.

AHOLKUAK

• Jeneralean, entsalada berdea, patata frijituak, patata gorrituak....  erabiltzen dira hornigai moduan.
• Oilaskoa erretakoan, minutu batzuetan utzi behar da moztu aurretik. Oso bero dagoela moztuko bagenu, salda gehiago galduko luke.