Sukaldaritza liburua/Errezetak/Txipiroiak bere tintan

TXIPIROIAK BERE TINTAN

Txipiroiak bere tintan.

MAHAIKIDEAK: 5

OSAGAIAK aldatu

Txipiroiak betetzeko

  • Oliba olioa: 50 ml.
  • Tipula: 2 xehatu.
  • Piper berde italiarra: 1 xehatu.
  • Txipiroi txikia: 30 ale ondo garbituak gorputza, garroak eta tinta bananduta.
  • Gatza.

Txipiroi saltsarako

  • Oliba olio birjina: 50 ml.
  • Baratxuria: 2 xerratu.
  • Tipula: 3 dadotan.
  • Piper berde italiarra: 1 dadotan.
  • Ardo txuria: 150 ml.
  • Tomate saltsa lodia: 300 ml.
  • Ogi txigortua: 8 xerra fin.
  • Ura edo arrain salda: 1 l.

PRESTAKETA aldatu

Txipiroi saltsa

  • Kazola bat olio eta baratxuriarekin sutan jarri; baratxuria kolorea hartzen hasitakoan, tipula eta piper berdea gehitu.
  • Goxatzen utzi eta kolore pitin bat hartzen hasitakoan, ardo zuria gehitu, hau murriztutakoan tomate saltsa, txipiroi tinta eta ogi txigortua ongi nahasi eta azkenik arrain salda gehitu.
  • 30 minutuz egosi, irabiagailutik eta txino iragazkitik pasa.
  • Irakin eta ondu.

Txipiroiak amaitzeko

  • Txipiroiak ongi garbitu, gorputza, garroak, hegalak eta tinta banatuz, ongi lehortu.
  • Tipulak eta piper berdea kazola batean olioarekin su eztian jarri.
  • Gorritzen hasitakoan, txipiroi garroak eta hegalak gehitu eta 10 minutuz erregosi. Ondu.
  • Betegaia epel dagoenean txipiroiak bete eta txotx batekin itxi.
  • Txipiroiak gatzatu eta utzi bere horretan minutu batzuk.
  • Ondoren eta olio tanta batekin kazola zabal batean eta su bizian salteatu.
  • Saltsa gehitu eta 20-30 minutuz su baxuan irakin txipiroiak bigundu arte.

AHOLKUAK aldatu

  • Plater hau hurrengo egunean gozoagoa dela esaten da.
  • Txipiroiak amukoak eta oso freskoak badira kanpoko azala ez da erretiratu behar.