Sukaldaritza liburua/Errezetak/Txirlak marinel erara

TXIRLAK MARINEL ERARA

Txirlak marinel erara

MAHAIKIDEAK: 4

OSAGAIAK

• Oliba olio birjina: 100 ml.
• Tipula: ½ xehatu.
• Baratxuria: 2 xehatu.
• Perrexila: Sorta txiki 1 xehatu.
• Irina: 15 g.
• Ardo zuria: 50 ml.
• Tomate saltsa: 50 ml
• Arrain salda edo ura: 200 ml.
• Txirla handia: 1200-1600 g.

PRESTAKETA

• Ur gatzatu hotzetan txirlak ondo garbitu, oskol eta hondar zatiak kenduz.
• Kazola batean eta su baxuan tipula olioarekin goxatzen jarriko dugu, erdi eginik dugunean baratxuria gehitu.
• Barazkia goxatuta dagoenean, perrexila eta irina lehenik eta ongi nahasi ondoren, ardo zuria gehitu, jarraian tomate saltsa eta arrain salda.
• Saltsa irakiten dugunean, txirla handiak gehitu eta estalki bat jarriko diogu.
• 2 minutuz sutan irekitzen utzi.
• Koilara baten laguntzaz saltsarekin busti txirlak eta zerbitzatu.

AHOLKUAK

• Plater honi ez diogu gatzik jarriko, normalean txirlak botako dutena nahikoa izango delakoan.
• Txirla oso gutxi kozinatu behar da, bestela lehortu eta gogortu egiten da.