Sukaldaritza liburua/Errezetak/Galeperrak saltsan

GALEPERRAK SALTSAN

MAHAIKIDEAK: 4

OSAGAIAK

• Galeperrak: 8.
• Oliba olio birjina: 100 ml.
• Piperbeltza.
• Tipula: 2 lerrotan.
• Azenarioa: 2 ilargi erdian.
• Porru txikia: 1 lerrotan.
• Sagarra: 1/2 dadotan.
• Brandya: Zurrusta txiki bat.
• Ardo beltza edo zuria: 150 ml.
• Oporto edo ardo gozoa: 100 ml.
• Salda iluna, hegazti salda zuria edo ura: Estaltzeko 2 l. inguru.

PRESTAKETAK

• Garbitu galeperrak, luma handienak eskuekin kenduz, eta lumatxak sutan errez.
• Urdaila eta bestelako barrukiak ongi kendu, lepo aldeko eta ipurdi aldeko soberako azalak moztu. Ur hotzetan pasa eta lehortu.
• Lotu sukaldeko hariarekin, modu honetara, galeperra bilduta geratuko da eta kozinatzeko garaian puskatzeko arriskua kentzeaz gain, zerbitzatzerakoan ederrago egongo da.
• Gatz eta piper hautsarekin ondu galeperrak
• 8 galeperrak estu sartuko diren kazola bat jarri sutan, olioarekin.
• Sartu bertan galeperrak eta alde guztietatik gorritu ondoren, erretilu batera atera.
• Kazola berean jarri barazkiak sagarrarekin, su baxuan erregosten.
• Barazkiak ongi eginik eta kolore pittin bat hartzen hasten direnean, bertaratu galeperrak eta brandyarekin garreztatu.
• Garrak itzali orduko, gehitu ardoa lehenik, eta hau murriztutakoan, estali urarekin.
• Utzi irakiten harik eta galeperren bularrak bigunak egon arte.
• Atera galeperrak kazolatik eta haria kendu.
• Barazkiak pasa irabiagailutik lehenik, eta iragazkitik ondoren.
• Elkartu saltsa eta galeperrak, eman irakinaldi bat eta ondu.

AHOLKUAK

• Galeperrak ehizakoak izan edo etxekotuak izan, egosteko beharko duten denbora desberdina izango da.
• Kazolan galeperrak estu geratzea garrantzizkoa izango da; kazola zabalegia aukeratuz gero, saltsa urtsuegia geratzeko arriskua izango dugu.
• Patata purea, sagar purea, patata gorrituak edo barazkiak erabil ditzakegu lagungarri moduan.