Euskal Herriko bidaia-gida/Ibilbideak/Uretsen bidea. Aretxabaletako bainuetxeen bila

Uretsen bidea. Aretxabaletako bainuetxeen bila
	Ibilbide honen argazkiak igo
Herrialdea	Gipuzkoa
Zailtasuna	Erraza
Lekuak	Aretxabaleta, Mendiola, Altziniturri, Areantza, Urkulu, Bolinaga
Distantzia	10,5 km. 3 ordu
Ingurunea	Urkulu urtegia
Abiapuntua	Aretxabaleta
Informazioaren iturria	Lehenengo informazio iturria

Aretxabaleta eta Eskoriatza herrien inguruan dauden ibilbide nagusietako bat da hau, Urkulu urtegira hegoaldetik, Mendiola eta Areantza auzoetatik, hurbiltzen dena. Gero urtegia utzita beste bide batetik jaisten da herrira Areantzako abeletxetik eta Bolinaga auzotik.^[1]

Ibilbidea aldatu

Otalora bainuetxeko uretsa aldatu

Aretxabaletako anbulategi ondotik igarota aurkituko dugu bainuetxeko uretsa, Deba ibaiaren ondoan. Uretsa esaten zaio sufre kontzentrazio altuko iturriari. Hori, bainuetxetik geratzen den arrasto bakarrenetarikoa da. Egun ez du ur jariorik. Ibilbide guztian zehar marra berde eta zuriek gidatuko gaituzte.

Ibarrako uretsa aldatu

Herriko plaza zeharkatu eta Eskoriatzarantz doan bidegorria jarraituko dugu Urkuluko oinezko sarbidera iritsi arte. Alboan, sufrezko iturria dago garai bateko Bainu Zaharren oroigarri gisa. Ur hauek gaitz batzuen kontra erabili ziren eta oraindik ere oso ur estimatuak ditugu.

Bainuetxeko Garbilekua aldatu

Gorantz lantegi artetik doan errepidea jarraitu eta eskuinerantz doan pistatik gora egingo dugu. Pistatik 20 metrora eta eskuinera, lizar bakan batzuek harrera egiten diote Bainuetxetik geratzen den arrasto bakarrenetako horri.

Iturriondo parkea aldatu

Hareazko pistatik gorantz eginez parke horri harrera egiten dion panela aurkituko dugu. Zuhaitz eta zuhaixka espezie ezberdinez osaturiko parkean zehar murgilduko gara. Hemendik irtetean, aurrez aurre Kurtzebarri, eta ezkerrean Orkatzategi, Amezkueta eta Iruatxeta mendiak bistan ditugu. Berehala, harrizko uhaska batekin egingo dugu topo.

Mendiolara igotzeko bidezidorra.
Iturria Mendiolan
Mendiola

Mendiolako elizatea aldatu

Hareazko pista bukatzean, Arientzako Bolinaga auzorantz doan errepidea hartuko dugu eta 400 metrora, Arantzasarrri baserria ezkerrean utzita, eskuinerantz doan herribidetik gora egingo dugu, ziburua gaindituz. Bertan, Udalaitz, Muru, Anboto, Orixol, Apotza, Untzila, Kurtzebarri eta Atxorrotzeko ikuspegi ederra. Ibilbidea jarraituz, Mendiola elizateko Olabena baserriaren ondora iritsiko gara.

Mendiolako iturria aldatu

Elizbidea jarraituz San Joan Bataiatzailearen elizara iritsiko gara. Elixakoa baserriaren parean mineral ugariko2iturri hori aurkituko dugu. Eskuin aldean, elizateko kanposantua.

Mendiola, San Joan Bataiatzailea Eliza
Arranoa
Anboto, Mendiola, Aretxabaleta, eta Udalaitz.

Bertako basoa aldatu

Errepidea utziz eta burdinazko langa gaindituz goranzko larreen arteko bidezidorretatik zehar, mandobidera iritsiko gara. Ezkerrerantz jarraituz, bertako zuhaitzez osaturiko basoan sartuko gara.

Altziniturri aldatu

400 metro egin ondoren mandobidea utzi eta beheranzko basopista jarraituko dugu. Kilometro erdira beste bidegurutze batean zuzen jarraitu egurrezko hesia ikusi arte. Hesia pasatu eta gaztainondoetatik gertu, errekastoaren beste aldean, Arientza elizateko Altziniturri uretsa aurkituko dugu. Analizatu gabeko urak dira baina bere usain eta zaporean erraz antzematen da bere nortasun sufretsua.

Pinudia Mendiolan
Areantza auzoa eta Urkulu uharka
Areantza auzoa eta Kurtzebarri mendia
Udalaitz eta Aozaratza auzoa Areantzatik

Areantzako bide zaharra aldatu

Altziniturritikirten eta beherantz, Intxaurbe baserri albotik igaroko gara. Ezker aldean, Iturrikoroma iturria eta eskuinerantz joanda, Areantzako Natibitate eliza eta Kanpai eskola. 150 metrora, eskuinean dagoen bide zaharretik, Matxiniturrira ailegatuko gara.

Areantzako Altziniturri uretsako kartela
Areantzako Altziniturri uretsa.
Areantzako elizako aldaba

Areantzako abeletxea aldatu

Bainuetxeko bidetik jaitsi eta 400 metrora, hareazko bidezidorra hartu eta Arientzako errepidera helduko gara. Inguru honetan esne behien jarduera garrantzitsua dago. Nekazari horiei esker Urkuluko paisaia eder mantentzen da.

Bolinaga auzoa aldatu

Areantzako nekazal etxe eta baserri arteko errepidea beherantz jarraituz helduko gara. Aipatzekoa da bertan dagoen Bolinagako errota baserria. Oraindik ere ubidea ikusten da baserriaren beheko aldean. Ondoan harrizko uhaska bere iturriarekin. Puntu honetatik aurrera bide bera jarraituz, ibilbide hasierara helduko gara.

Katua Bolinagan
Karduak Areantzan
Leihoa Bolinagan
Bolinagako baserria

Otaloratik hegoalderako ikuspegia

Erreferentziak aldatu

↑ «Topogida — Aretxabaletako Udala» www.aretxabaleta.eus . Noiz kontsultatua: 2020-07-19.

Ikus, gainera aldatu

[1] «Topogida — Aretxabaletako Udala» www.aretxabaleta.eus . Noiz kontsultatua: 2020-07-19.

[1]